@topchanneltvalbania: Kryeministri i Shqipërisë, Edi Rama, zhvilloi këtë të enjte një vizitë zyrtare në Vatikan, ku u prit në Pallatin Apostolik nga Papa Leoni XIV. Rama ka ndarë në rrjete sociale edhe homazhet që ai ka kryer te varri i Papa Françeskut, të cilin e quan një mik të paharruar të shqiptarëve. I shoqëruar nga bashkëshortja Linda dhe nga djali i vogël Zaho, Rama shihet teksa lë një kurorë me lule mbi varrin e Papa Françeskut. "Homazhi në varrin e Papa Françeskut, mik i paharruar i Shqipërisë dhe i familjes sonë, që nuk harronte kurrë të lutej për popullin tonë e të na dërgonte mesazhet e tij të miqësisë, ishte një çast i veçantë i vizitës në Selinë e Shenjtë", shkruan Rama në postimin e bërë në rrjete sociale. #lajmiifundit