@luxuryroyal1: اكو واحد اسمه (مطي) وعلى مرور الزمن هذا الشخص ازوج وصار عنده اولاد وبنات ، فد يوم فكرت زوجة هذا الشخص الي اسمه (مطي) وشارة عليه كلتله غير اسمك كالها ليش ؟؟، كلتله لان بناتنا باجر ايخطبونهن واليجي يخطب من عدنا شيكل الناس راح اخطب بت (مطي). كلها زين راح اغير اسمي ، المهم راح الى شيخ العشيرة وقصله القصة فكله الشيخ انت لازم اسوي (عزيمه ) وتعزم العشيرة حتى يكون تغير اسمك على علم من العشيرة ، الرجال سوى عزيمه وعزم العشيرة كلها وجانت هاي العزيمه ابيت الشيخ ، اجت العشيرة وكعدوا ابيت الشيخ (وكلوا وشبعوا وتهنوا) بعد هذا سالوا الشيخ على سبب العزيمة ، كلهم الشيخ جمعناكم يااخوان على امر مهم وهو تغير اسم اخوكم (مطي ) الى اسم مقبول لان صاروا عنده بنات واولاد وباجر ايخطبون عند ويخطب عند الناس فهو ايريد ايغير اسمه ، فكلوله الامر امرك يشيخ ، المهم بعد مداولة كثيرة ومشاورة اختاروله اسم (جحش ) فهذا الرجال شكرهم على تغيير اسمه وراح الى زوجته ايبشره وبعد ما وصل للبيت سألته زوجته كلتله بشر شنهو اختارولك من اسم كللها الحمد لله غيروا اسمي من( مطي الى جحش ) فردت عليه وكلتله طاح حظك ، كلها ليش؟؟؟ كلتله لان نفس الشيئ هم تكبر وهم تصير مطي ، فالقضيه مايرادلها توضيح يااخوان هو مطينا نفس المطي مايتغير ابد ،
