الشعر الأبيض ما يتكاثر بسبب النتف نهائياً لأن كل شعرة تطلع من بصيلة مستقلة وماكو أي تواصل بين البصيلات حتى وحدة تأثر على الثانية الشيب يصير لما خلايا الميلانوسايت داخل البصيلة تبدي تضعف أو تتوقف عن إنتاج صبغة الميلانين وهذا شي مرتبط بالعمر والجينات وأحياناً بالضغط النفسي أو نقص بعض الفيتامينات مو بسبب إننا نتفنا شعرة وحدة لما تنتفين شعرة بيضة اللي يصير هو واحد من ثلاث احتمالات يا إمّا تطلع نفس الشعرة بيضة لأن البصيلة فقدت الصبغة أصلاً يا إمّا تطلع شعرة أضعف وأنحف يا إمّا مع الوقت البصيلة تتأذى وما تطلع شعر نهائياً إذا تكرر النتف هواي ولهذا السبب بعض الناس يشوفون فراغات بالمكان اللي ينتفون بيه باستمرار الإحساس إن الشيب كاعد يزيد بعد النتف سببه إن الشيب أصلاً يزيد تدريجياً ومع العمر إضافة إلى إن العين تبدي تلاحظ الشعر الأبيض أكثر لما نركز عليه نفس فكرة لما تشترين شي جديد وفجأة تشوفينه بكل مكان مو لأنه زاد بل لأن وعيچ انتبه له علمياً ماكو أي دراسة تثبت إن نتف الشعر الأبيض يزيد عدده أو يسرّع انتشاره لكن بالمقابل اكو تحذير من أذية البصيلة بسبب النتف المتكرر خصوصاً بمناطق مثل مقدمة الرأس أو الحواجب لأن الأذى يكون دائم أحياناً #الشيب #شعر - @sara_ha_san