@qiyslar: Maalin kasta oo i dhaafta adiga ayaan kuusii dhawaanayaa, daqiiqad kasta oo gabalkeeda ku aroortana waa daqiiqado aan agtaada u soo jilaabnahay, ma dareemo inaan gaboobayo balse waxaan dareemaa inaan u bislaanayo kulankeenna, ​xilliga ay dadku ka cabanayaan in saacaduhu socdaan anigu waxaan u arkaa fursad sababtoo ah ilbidhiqsi kasta oo saacaddu ay dhaqaaqdo wuxuu naga dhex saaraa masaafo naga dhaxaysay fogaantu maaha waxa u dhexeeya laba magaalo balse waa waxa u dhexeeya laba qalbiyo oo aan weli ballantoodii fulin aniguna ballantaydii waan hayaa, ​Haddii ay dunidu igu cuslaato haddii aan dareemo aniga mooyaane in qof kastaa fiican yahay, waxaan xasuustaa inaan jidka ku jiro, jidkaas oo aan ku ogaaday inaan kugu soo gaari doono, ​Xaqiiqdu waxay tahay ma garanayo xaaladdaada caawa ! ma ogi in qalbigaagu uu weli garaacmayo iyo in kale, ma ogi in habeenada noloshaadu ay kugu cuslaato in aad adiguna xasuusato imaatinkayga ! Waxaa laga yaabaa inay jiraan saacado aad adiguna daaqadda ka eegto dunida oo aad tiraahdo wax walba way fiican yihiin aniga mooyaane ! Mise waxaa laga yaabaa inaad nolosha cusub la qabsatay oo sawirkaygu uu yahay uun xasuus meel fog ku duugan ? ​ Xitaa haddii aadan ogayn inaan weli jidka ku jiro xitaa haddii aad u malayso inaan illoobay, anigu waxaan u arkaa daqiiqad kasta fursad aan kugu tuso inaan ahay qofkii aynu ku ballannay, inaanan ogayn inaad adigu ballantii hayso iyo in kale iima dhimayso dhiirranaanta balse waxay ii kordhisaa samirka, waxaan dooranayaa inaan ku rumeysto inaan aamino in qalbigu uusan si fudud u go'i karin haddii uu mar dhab u xidhmo, maalin kasta oo aan kuu soo dhawaanayo waxaan kuusoo dhawaanayaa anigoo ah qofkii aad garanaysay iyo mid aan isbeddelin mid aan ballan furin, haddii aan ku imaado oo aan ku helo adigoo weli ballantii haya waxay noqon doontaa guushii ugu weyneyd ee nolosha Haddii kale, waxaan ku qanci doonaa inaan anigu ahaa kii jaceylkiisa iyo ballankiisa u dambeeyay ilaa neefsashada ugu dambeysay xajinayay, Waxaa timid maalintii ay saacaddu istaagtay ma ahayn maalin caadi ah xitaa neefta hawada ayaa u muuqatay mid xambaarsan caraftii aan muddada dheer ku riyoonayay markii aan arkay adiga oo meel fog kasoo muuqda adduunkii weynaa ee aan ka cabanayay wuxuu ku soo ururay hal dhibic oo nuur ah waa wajigaaga'e, markii ay indhaheennu isku dhaceen waxaan ka dhex arkay jawaabta su'aalihii aan is weydiin jiray habeenadii madoobaa ! ma jirin baahi loo qabo hadal badan indhahaaga oo qoyaan yar ka muuqdo ayaa ii sheegay inaad adiguna "ballantii haysay" wax kasta oo dunidan ka socday baabuurtii, dadkii, iyo buuqii, dhammaantood waxay noqdeen sidii filim aamusnaan ah waxaa jiray kaliya aniga iyo adiga, Inaan ku hortaaganahay ma ahayn sidii sawirkii aan telefoonka ka eegi jiray, muuqaaga dhabta ah wuxuu lahaa kalgacal aanan sawirka ka heli jirin ? Inaan arko sida aad u yaxyaxayso markaan kugu soo dhawaado iyo sida ay sunniyahaagu isu beddelayaan markaad dhoolacaddaynayso waxay ahaayeen daqiiqado aan dareemay inaan dib u dhashay, inaan gacantaada qabsado waxay ii xaqiijisay in jidkii dheeraa ee aan soo maray uu lahaa macno wayn, Markii aad magacayga ugu dhawaaqday codkaaga xabeebta yar leh naxariistuna dul hoganayso waxaan dareemay in culayskii adduunka ee laabtayda saarnaa uu sidi baraf cadceed helay u dhalaalay, Codkaagu ma ahayn kaliya dhawaaq wuxuu ahaa laxan u gaar ah naftayda, Inaan fadhiisano meel deggan oo aan ku dhageysto adigoo iiga sheekaynaya sidii aad adiguna u soo dhabar adaygtay waxay ii ahayd sidi anigoo akhrinaya bog nolosheyda ka maqnaa, hadda markaan dhinacayga kugu arko ma jiro dareen ah "aniga mooyaane" wax walba way fiican yihiin se aniguna qayb ayaan ka ahay fiicnaantaas, sababtoo ah ballantii aan haynay waxay inoo dhistay buundo naga soo saartay mugdigii fogaanta waxayna nagu soo celisay iftiinka midnimada, Hadda wax walba way fiican yihiin sababtoo ah ma jiro culays dunida ka mid ah oo ka xoog badan laba qalbi oo ballantoodii oofiyay, Waxaa qoray qiyslar ali

Q I Y S L A R - ASAHI

Open In TikTok:

Region: SO

Sunday 08 February 2026 06:35:22 GMT