یەکێک لە جوانترین شعرەکانی مەحوی، یەکێک لە پڕ ماناترین وشەکانی مەحوی، بەڕاستی شاکارێکی ئەدەبییە، بە نەوعێک ئەو شعرەی نووسیوە، خوێنەریش زەلیل ئەکا، ئەم شعرەی مەحوی ڕێک چاو کەرەوەیە بۆ مرۆڤ باسی ئەوە ئەکات کە ئەوەنە لە ئیشی بێمانا و بێسوودا کاتی کوشتووە، هەموو عومری بە با چووە، ئەوەنەی کات کوشتووە کە کات بۆ مردنیشی نەماوە مەجبوور داوای کات لە خاوەن کات بکات بڵێ خوایە بەس ئەوەنە تۆزێک کاتم بەیتێ بەس ئەوەنە بتوانم بمرم. تەواوی شیعرەکە :- لە ناکەس کارییا، خاکم بە سەر، ڕۆیی بە با عومرم خودا! تۆ بمژیێنە تا لە بەر قاپی کەسێ دەمرم بە زایع چوو لە ما لا یعنىیا وەقتم هەموو، یەعنی دەبێ وەقتێ لە بوالوقتێ بخوازم دا تیا بمرم ئەجەل دەورم دەدا: حازر بە! وادەی دەور و تەسلیمە منی غەفڵەتزەدە هێشتا خەریکی مەسئەلەی دەورم خەیاڵی پووچی دنیا وا دەماخ و دڵمی پێچاوە قیامەت، هەر مەگەر ڕۆژی قیامەت بێتەوە فکرم لە پێ کەوتووم و نەفسم بۆ هەوا دەشنێ وەکوو منداڵ لە بەر پیری سەرم خۆی ناگرێت و تازە پێ دەگرم چیە سووچ و گوناهی؟ بۆ چی دەیکاتە جەزاخانە؟ لە قەبر هەڵکەن، هەتا ڕۆژی جەزا دەعوا چیە قەبرم سبەینێ یُحشرُ المرءە، براگەل، فرسەتە ئەمرۆ تەبەڕڕا بن لە من، با کەس نەبێ حەشری لەگەڵ حەشرم لە من نازانم ئیتر نەفسی بەدخۆ چی دەوێ مەحوی کە بەدکردار و بەدڕەفتار و بەدئەفکار و بەدتەورم مەگەر بەر مەوجی بەحری ڕەحمەتم خا وەسفی سەتتاری وەگەرنا، زەحمەتە پا بوونەوەم، نامومکینە سەترم . . #fyp #جریوە #دادیار #مەحوی #شعر - @jrewa_