अर्को अनपढ, जसले नेपाललाई ‘एफएटीएफ’को ग्रे लिस्टमा पुर्यायो, रुपन्देही २ को अहिलेको अवस्था थोरै विश्लेषण गरौँ । उसले जित्यो भने देश ब्ल्याक लिस्टमा नजाला भन्न सकिन्न । उसले देशको आर्थिक मेरुदण्ड नै भाँचीदिएको छ । पावरको प्रयोग गरेर, आफूलाई सधैं माथि राख्ने प्रयास गरेको पात्र हो विष्णु पौडेल । नक्कली सुकुम्बासी विष्णु पौडेलबारे मैले यसअघि एउटा स्ट्याटस लेखेको थिएँ, लिंक कमेन्टमा छ । उनी, देशको अवस्था जर्जर बनाउन भूमिका खेलेका मुख्य पात्र हुन् । पटक-पटक अर्थमन्त्री भए । तर, उनको जग भने अनियमितता र भ्रष्टाचारले घेरिएको छ । उनी हार्नुपर्छ, र देशले जित्नुपर्छ भन्ने मेरो मान्यता हो । तर, नयाँ भनिएकामा पनि प्रशस्त समस्या छ, जुन मैले बारम्बार लेख्दै आइरहेको छु । विष्णु पौडेल हार्ने फ्याक्टरहरू- २०७९ को निर्वाचनमा पौडेलले मात्र १,३७० मतको झिनो अन्तरले चुनाव जितेका थिए । सोही निर्वाचनमा समानुपातिकतर्फ राष्ट्रिय स्वतन्त्र पार्टी (रास्वपा) ले २५,६७३ मत ल्याएर पहिलो दल बनेको थियो भने एमाले २१,१८३ मतका साथ दोस्रो स्थानमा खुम्चिएको थियो । यो भनेको त्यहाँ रास्वपाको बलियो लहर रहेको र एमालेको पकड कमजोर हुँदै गएको अवस्था हो । यस पटक पौडेलले कांग्रेसका एकजना व्यवसायी र घन्टीका नयाँ अनुहारसँग प्रतिस्पर्धा गर्नुपर्नेछ । कांग्रेसले उद्योगी चुन्नप्रसाद पौडेललाई मैदानमा उतारेको छ । उनी मालपानीका साझेदार हुन् । बालेनलाई डिफेन्डर दिएर, मालपानीले आफ्नो साझेदारका लागि भोट मागेको प्रष्ट देखिन्छ । तर, ‘अदालत जलेकोमा कुनै ग्लानी छैन’ भन्ने रास्वपाका सुलभ खरेल पनि मैदानमा छन् । उनी पनि खासमा योग्य उम्मेदवार भने होइनन् । यस्तै, सामाजिक अभियन्ताका रूपमा चिनिएका डा. निकोलस भुसाल र नेकपाका युवा नेता विश्वदीप पाण्डे पनि चुनावी मैदानमा छन् । भोट त टन्नै बाँडिन्छ । त्यसैले विष्णु पौडेल गोलखाडी हुन्छन् नै । अहिले विष्णु पौडेलका लागि २०७९ को जस्तो अनुकूल अवस्था छैन । अघिल्लो निर्वाचनमा सत्तारुढ गठबन्धनका साझा उम्मेदवार राजु गुरुङको उम्मेदवारी खारेज गराइयो । निकोलसलाई टन्नै पैसा दिएर पछि हट्न भनियो । जसको प्रमाण मसँग छ । पार्टीभित्रको आन्तरिक संघर्ष तेस्रो कारण हो । उनलाई हराउन एमालेका महासचिव शंकर पोखरेलले त्यहाँ केही दिनअघि देखि नै ३ वटा टीम खडा गरेका छन् । ललितानिवास काण्डका आरोपी विष्णु पौडेल सुरुमा पाल्पा-३ बाट उम्मेदवार बन्ने निर्णय भएको थियो । पछि कार्यकर्ताले विरोध गरे । उनले हारको डरले नै पाल्पा जान खोजेको भन्ने विश्लेषणले मतदातामा नकारात्मक प्रभाव पार्छ नै । बसाइँसराइ र नयाँ मतदाताका कारण पनि विष्णु पौडेल हार्ने निश्चित जस्तै छ । यस क्षेत्रमा बसाइँ सरेर आउने र नयाँ थपिएका मतदाताहरूको झुकाव उनीप्रति खासै छैन । खासमा उनी, राष्ट्रिय राजनीतिबाट विदा लिनुपर्ने व्याक्ति हुन् । त्यसैले, जो सांसद भएर आउन सक्दैन, उसका लागि भोट हाल्ने मतदाताले पनि केही सोच्नुपर्ने हुन्छ । 🙏 #election2026 #BishnuPaudel #askquestions - @kusumbindas888