@mai.ali645: أنا تعبت… تعب مش بس في جسمي، تعب في روحي وأعصابي وصبري كل يوم مستشفى شكل، تحاليل، أشعة، دكاترة، كلام كتير ومفيش إجابة واضحة مش عارفة أنا عندي إيه بالظبط ومش عارفة ليه لحد دلوقتي مفيش اسم للحاجة اللي بهدلتني كده بقيت أصحى من النوم مش عارفة يومي هيعدي إزاي هقدر أتنفس كويس؟ هقدر أتحرك من غير وجع؟ هقدر أعيش يوم طبيعي زي أي حد؟ جسمي اتغير، نفسيتي بقت مهلوكة، واللف على المستشفيات بقى جزء من روتيني.إحساس إنك تبقي تعبانة ومش فاهمة السبب ده أصعب من التعب نفسه. إنك كل شوية تسمعي احتمال شكل، وتعيشي قلق جديد أنا مش عايزة حاجة كبيرة من الدنيا مش طالبة فلوس ولا شهرة ولا أي حاجة انا كل اللي عايزاه إني أبقى كويسة مستقرة أعرف أنا بعاني من إيه عشان أتعالج وأرتاح يارب أكون قد الابتلاء ده يارب مدّني بالقوة والصبر لأن في أيام بحس إني خلاص مش قادرة أستحمل أكتر من كده بس رغم كل ده… عندي أمل. إن في يوم هعرف، وفي يوم هخف، وفي يوم هفتكر الفترة دي وأقول “الحمدلله عدّت”

Mai Ali

Open In TikTok:

Region: EG

Friday 13 February 2026 21:40:32 GMT