@dixix.3: يبس غصن الكلام وقمري الخاطر كسير جناح على رمضى ضلوعي غرد بـ معزوفة اشجاني رياح الشوق عاثت في نوافذ قلبي النواح تهز الذاكره والنوم يتساقط من اجفاني حنين ودرب موحش ممتلي هم وأسى وجراح. وطفل يسأل أمه وين أبوي ليه ما جاني؟ مسافر.. والسفر طول ذبل عذرك / تدلى / طاح وطاحت دمعتن خرسا وجعها فزز أحزاني يبه عقبك شحب وجه الصباح وغابت الافراح ولا غابت ملامح وجهك الطاهر عن اعياني يبه مامر ليل الا وبـ انسامه حديث ارواح يبه حتى يبه ماتت من اللهفه على لساني تهيضني طيوفك كل ما قلت الشعور ارتاح و افتش عن بقايا ريحتك في جمعة اخواني لو ان الفقد حس بحسرتي يوم ان دمعي ساح ما حصلت الوسادة حزنها يسهر على شاني سواد الليل بعيوني زرع خوف وقطف مصباح تعب عمري بعد عمرك يدور له عمر ثاني ولا تملك يدي الا الدعاء والصبر والالحاح. عزاي في بندر وبندر ماقد جيته وخلاني مسح راسي / اخذ بيدي / كفلني عن يتم فضاح ولحفني فـ بشته عن قساوة برد حرماني يبه شفني على المسرح كتبتك شعري " الفياح " وقفت وغنت بيوتي مواجع نزف وجداني#حسام_بن_فياح #فقد #قصيد #شاعر_الراية #fyppppppppppppppppppppppp

زايــــــــــــــــــــــــد

Open In TikTok:

Region: SA

Saturday 14 February 2026 10:27:52 GMT