@grinta_mea: رحلة تأهيل… وإرادة أقوى من أي ظروف 💪 الراجل اللي معانا عنده 74 سنة، مريض سكر، بيعاني من مشاكل شديدة في فقرات الرقبة، وكان عامل جراحة تثبيت لمفصل الفخذ الأيسر بعد كسر، ووصل قبل كده إنه يمشي بمساعدة فقط. من أكتر من 6 شهور، بعد صدمة نفسية كبيرة وحالة وفاة قريبة منه، دخل في مرحلة رقود تام بالسرير، وتشخيصه بقى:Generalized weakness due to disuse atrophy Bilateral drop foot ضعف تام في العضلات و سقوط القدم في رجليه الاتنين بدأنا رحلة شغل وتأهيل خطوة بخطوة… في البداية: • كان لازم يتقلب بمساعدة كاملة… ودلوقتي بيتقلب لوحده • مكنش يقدر يقعد على طرف السرير… وبقى يقعد ويتمرن وهو قاعد • مكنش يقدر يقف… وبدأ يقف على المشاية • بعد كده قدر يقف من غير مشاية ومن غير سند • خد أول 3 خطوات بالمشاية • بقى يمشي بالمشاية ويرجع • بدأ يعمل التمارين وهو واقف من غير مشاية • بقى يمشي بالعصاية بمساعدة • وبدأنا نطلع وننزل السلم تدريجيًا بمساعدة التحسن ده مش مجرد تمارين…ده صبر + التزام + دعم أسرة + إرادة مريض رفض يستسلم. والفيديو ده جزء بسيط جدًا من رحلة طويلة من الشغل والتعب، لكن نتيجتها بتأكد إن التأهيل الصح يقدر يرجّع الأمل حتى في أصعب الحالات، وحتى مع السن الكبير والمشاكل الصحية الكتير. اللهم استعملنا ولا تستبدلنا، وعلّمنا ما ينفعنا، واجعله عملاً خالصًا لوجهك الكريم 🤍 #physicaltherapy #علاج_طبيعي #rehab #تأهيل #geriatrics
