@dharmanethra: පසුගිය කොටස් දෙකෙන් අපි කතා කළානේ ඇයි අපේ හිත මේ තරම් නරක දේවල් මවාගන්න කැමති කියලා. අද අපි බලමු මේ ඕනෑවට වඩා හිතන සිර ගෙයින් එළියට එන්න පාවිච්චි කරන්න පුළුවන් හරිම සරල උපක්‍රමයක් ගැන. ඔයා මොහොතකට හිතන්න ඔයා පාරේ අයිනක ඉඳගෙන ඉන්නවා කියලා. පාරේ වාහන ඕනෑ තරම් යනවා. බස් යනවා. කාර් යනවා. ලොරි යනවා. ඒ හැම වාහනයක්ම යන දිහා ඔයාට නිකන් බලාගෙන ඉන්න පුළුවන්. හැබැයි ඔයා ඒ යන හැම වාහනයකටම පැනලා, ඒකේ එල්ලෙන්න ගියොත් මොකද වෙන්නේ.? අනිවාර්යයෙන්ම ඔයා අනතුරකට පත් වෙනවා. නැත්නම් මහා ලොකු වෙහෙසක් දැනෙනවා. අපේ හිතේ යන සිතුවිලිත් අර පාරේ යන වාහන වගේ තමයි. දවසකට එක එක විදිහේ සිතුවිලි දහස් ගණනක් හිතට එනවා. සමහර ඒවා බය හිතෙන ඒවා. සමහර ඒවා තරහ යන ඒවා. ප්‍රශ්නය වෙන්නේ අපි ඒ හැම සිතුවිල්ලකම එල්ලිලා ඒකත් එක්කම යන්න උත්සාහ කරන එකයි. හිතන්න ඔයා කාට හරි බණින්න හරි, මොකක් හරි තීරණයක් ගන්න හරි හිතාගෙන ඒ ගැන දහස් වාරයක් හිතින් පුරුදු වෙනවා කියලා. "මම එයාට මෙහෙම කියනවා. එතකොට එයා මෙහෙම කියයි. එතකොට මම ආයෙත් මෙහෙම උත්තර දෙනවා කියලා ඔයා හිත ඇතුළේ ලොකු රණ්ඩුවක් කරනවා. හැබැයි ඔයා දන්නවද ඔයා දහස් වාරයක් හිතින් ඒ රණ්ඩුව කළාට ඇත්ත ලෝකයේ ඒ කිසිම දෙයක් තවම වෙලා නැහැ. ඒත් ඔයාගේ ඇඟට ඒ රණ්ඩුවෙන් ලැබෙන තෙහෙට්ටුව, තරහව සහ වේදනාව ඒ විදිහටම දැනෙනවා. මේක හරියට නැති හොරෙක්ට බයේ ගේ වටේ දුවනවා වගේ වැඩක්. ඔයාට මොකක් හරි දෙයක් ගැන ඕනෑවට වඩා හිතෙන වෙලාවට කරන්න තියෙන හොඳම දේ තමයි ඒ සිතුවිල්ලත් එක්ක රණ්ඩු කරන්නේ නැතුව, ඒක යන දිහා බලා ඉන්න එක. "ආ.. දැන් මගේ හිතේ මේ ගැන සිතුවිල්ලක් යනවා" කියලා නිකන්ම හඳුනාගන්න. ඒකේ එල්ලෙන්න යන්න එපා. අපේ හිත වර්තමානයට ගේන්න තියෙන ලේසිම ක්‍රමය තමයි ඔයාගේ ඇඟට දැනෙන මොකක් හරි දෙයක් ගැන අවධානය දෙන එක. හිත එක එක අතේ දුවන කොට ඔයා ඉඳගෙන ඉන්න පුටුවට ඔයාගේ ඇඟ තෙරපෙන හැටි, නැත්නම් ඔයාගේ පයට පොළොව දැනෙන හැටි ගැන මොහොතක් හිතන්න. එහෙමත් නැත්නම් හුස්ම ගන්න කොට නහයට දැනෙන ඒ හුස්ම රැල්ල ගැන හිතන්න. ඒ වෙලාවට හිතට අර අනවශ්‍ය සිතුවිලි මාලාව දිගටම අරන් යන්න බැරි වෙනවා. මොකද හිතට එක සැරේට කරන්න පුළුවන් එක වැඩයි. ඔයා වර්තමානයට හිත ගත්ත ගමන් අර මවාගත්ත ප්‍රශ්න ටික ඉබේම දිය වෙලා යනවා. මතක තියාගන්න සිතුවිලි කියන්නේ දුම් වලාකුළක් වගේ දෙයක්. ඒක ඇල්ලුවොත් අතේ මොකුත් ඉතුරු වෙන්නේ නැහැ. ඒ නිසා ඒවට රැවටෙන්නේ නැතුව මේ මොහොතේ ජීවත් වෙන්න පුරුදු වෙන්න. නිර්මල බුද්ධ දේශනාවන්ට අනුව මා විසින් ලියන මේ ලිපි මාලාවේ හතරවැනි කොටසින් අපි කතා කරමු කොහොමද තවත් කෙනෙක් ගැන හිත හිතා විඳවන එක නතර කරන්නේ කියලා. සිත දකින කෙනා තමයි සැබෑම සැනසීම දකින්නේ. ඔබේ හිතේ තියෙන මේ අනවශ්‍ය කලබලය නතර කරන්නට දහම් දැනුම මහා ලොකු ශක්තියක් වේවි. 📢 විශේෂ නිවේදනයයි.! ඔයාගේ නොසන්සුන් හිත නිවාගන්න මඟ පෙන්වන "නොනිවෙන ලෝකයක නිවෙන හිතක්" සදහම් ඩිජිටල් ග්‍රන්ථය (PDF) දැන් නිකුත් වී අවසන්. අපි මේ ලිපිවල කතා කරනවාට වඩා හරිම ප්‍රායෝගික සහ ජීවිතය වෙනස් කරන කරුණු රාශියක් පිටු 214 ක් පුරා මෙහි අඩංගු වෙනවා. රුපියල් 500 ක් වැනි සුළු මුදලකට ඔබේ මුළු ජීවිතයම සුවපත් කරගන්න ලැබෙන මේ වටිනා අවස්ථාව මඟ හැරගන්න එපා. පොත ලබාගැනීම සඳහා පහත අංකයට වට්සැප් පණිවිඩයක් එවන්න. (ලැබෙන සියළුම මුදල් ධර්ම නේත්‍රා ඇප් එකේ සංවර්ධන සහ තාක්ෂණික කටයුතු සඳහා පමණක් යෙදවේ.) පොත ලබා ගැනීමට අවශ්‍යනම් 0763861339 Whatsapp අංකයට 'BOOK' යනුවෙන් පණිවිඩයක් යොමු කරන්න. එම ආයතනය ඔබට සහය වේවි. ඒ වගේම අපේ ධර්ම නේත්‍රා ඇප් එක මඟින් මෙතෙක් මා ලියූ සියළුම ලිපි සහ ලිපි මාලාවන් පහසුවෙන් කියවන්න පුළුවන්. තෙරුවන් සරණයි.! ✍️ 'ධර්ම නේත්‍රා' සදහම් අවකාශය. 🌿 ඔයාත් මේ වගේ වෙන්න තියෙන රණ්ඩු ගැන කලින්ම හිතලා රණ්ඩු කරන කෙනෙක්ද.? ඔයාගේ අදහස Comment කරන්න. තවත් කෙනෙකුගේ සිත නිවන්නට මෙය Share කරන්න. 📲 පොත ලබාගැනීමට සහ ඇප් එක ලබා ගැනීමට 076 386 1339 වට්සැප් (WhatsApp) අංකයට පණිවිඩයක් එවන්න. 📲 ස්වාමින් වහන්සේව සම්බන්ධ කරගැනීමට (උපදේශන, ගැටළු, අදහස් හෝ වෙනත්) 0778803779 වට්සැප් අංකය භාවිතා කරන්න. (ඇමතුම් ගැනීමෙන් වළකින්න). #අංහෙට්ටිගමපොඩිහාමුදුරුවෝ #සිතේසැනසීම #dhammanethra #භාවනාව #Overthinking

ධර්ම නේත්‍රා සදහම් අවකාශය

Open In TikTok:

Region: LK

Sunday 15 February 2026 07:45:14 GMT