@itoshi.vibess: វិវាទគូរកម្ម | ភាគទី៣៤ || ដើម្បីឱ្យអារម្មណ៍កាន់តែស្រឡះ បន្ទាប់ពីទទួលកាដូពីFan club រួច Sunghoon ក៏បាននាំ Y/n និង Sungmin ធ្វើដំណើរទៅកាន់មាត់សមុទ្រ។ នៅទីនោះពួកគេបានដើរលេងលើខ្សាច់សក្បុសយ៉ាងមានក្ដីសុខបំផុត Sungmin រត់ដេញរលកសមុទ្រសើចកក្អាយ ខណៈដែល Sunghoon និង Y/n ឈរបណ្ដើរដៃគ្នាសម្លឹងមើលទៅផ្ទៃទឹកពណ៌មាស។ "អូនឃើញទេ?ទីបំផុតពួកយើងអាចរស់នៅក្រោមពន្លឺថ្ងៃយ៉ាងមានក្ដីសុខហើយ" Sunghoon និយាយទាំងញញឹម រួចទាញ Y/n មកអោបថ្នមៗពីក្រោយ។ "អរគុណបងណាស់ Sunghoon អរគុណដែលបងធ្វើឱ្យអូនមានអារម្មណ៍ថា ខ្លួនឯងមានតម្លៃបំផុត" Y/n ផ្អែកក្បាលលើស្មារបស់ Sunghoon ភាពភ័យខ្លាចដែលធ្លាប់លងបន្លាច Y/n អស់រយៈពេល ៥ ឆ្នាំ បានរលាយបាត់ទៅតាមខ្យល់សមុទ្រ សល់ត្រឹមតែភាពកក់ក្ដៅនៃគ្រួសារដែលនាងធ្លាប់ប្រាថ្នាតែប៉ុណ្ណោះ។ នៅមាត់ឆ្នេរខ្សាច់នាពេលព្រះអាទិត្យរៀបអស្ដង្គត សំឡេងសើចកក្អាយរបស់កូន Sungmin ដែលកំពុងរត់លេងដេញរលកសមុទ្រ បានធ្វើឱ្យ Y/n និង Sunghoon ញញឹមបិទមាត់មិនជិត “ប៉ាៗ ម៉ាក់ៗមកលេងជាមួយកូនមក”ភ្លាមៗនោះ Sungmin ស្រាប់តែបាច់ទឹកមកលើអ្នកទាំងពីរ “កូនឯងនេះខូចណាស់”Y/n ងើបឈរទៅប្រលែងលេងជាមួយកូន ពេលនោះនាងក៏ងាកមកហៅ Sunghoon “Sunghoon មកលេងជាមួយអូននិងកូនមក”Y/n និង Sungmin នោះគ្នាបាចទឹកទៅលើ Sunghoon ដល់នាយរត់មកប្រលែងលេងជាមួយពួកគេ ពួកគេបន្ដលេងរហូតដល់ព្រះអាទិត្យលិច Sunghoon ក៏បានមកឈរឱបចង្កេះ Y/n ពីកក្រោយយ៉ាងណែនរួចខ្សឹបប្រាប់នាងថា “បន្ទាប់ពីនេះ យើងនឹងរស់នៅជាមួយគ្នាជារៀងរហូតណា” Sunghoon “អូនស្រលាញ់បងណាស់ Sunghoon អូនសង្ឃឹមថាបងនិងនៅក្បែរអូនជារៀងរហូតទៅ” Y/n និយាយចប់ភ្លាម Sunghoon ស្រាប់តែមានអារម្មណ៍ថាវិលមុខយ៉ាងខ្លាំង នាយយកដៃខ្ទប់ច្រមុះ រួចក៏ស្លុតចិត្តនៅពេលឃើញឈាមស្រស់ៗហូរចេញមកតាមប្រឡោះម្រាមដៃមិនឈប់។ "Sunghoon!!បងកើតអីហ្នឹង Sunghoon បងកុំបំភ័យអូនបានទេ ??" Y/n ស្រែកទាំងភ័យស្លន់ស្លោ នៅពេលឃើញឈាមប្រឡាក់ពេញអាវពណ៌សរបស់Sunghoon “បង..បងមិនអីទេ..” Sunghoon មិនទាន់ទាំងបានដកដង្ហើមស្រួលផង រាងកាយដ៏មាំមួនរបស់នាយក៏ស្រាប់តែទន់ជ្រាយ រួចដួលសន្លប់ស្ដូកស្ដឹងទៅលើខ្សាច់ភ្លាមៗ "Sunghoon!!Sunghoon!!ភ្ញាក់ឡើងមក!!កុំបំភ័យអូនអី!!!” Y/n យំស្រែកហៅលោកទាំងដង្ហើមញាប់ញ័រ ចំណែកកូនប្រុសតូច Sungmin ក៏រត់មកអោបប៉ាទាំងយំខ្សឹកខ្សួល។ ឡានសង្គ្រោះបន្ទាន់បានមកដល់ រួចដឹក Sunghoon សំដៅទៅមន្ទីរពេទ្យដែលល្អបំផុតក្នុងទីក្រុង Y/n អង្គុយនៅមុខបន្ទប់សង្គ្រោះបន្ទាន់ទាំងអាការៈរវើរវាយ ដៃរបស់នាងនៅប្រឡាក់ឈាមរបស់ Sunghoon នៅឡើយ។ Y/n នាងមិនយល់ទេថា ហេតុអ្វីបានជាព្រះជាម្ចាស់លេងសើចនឹងវាសនារបស់នាងបែបនេះ ទាំងដែលពួកគេទើបតែរកឃើញក្ដីសុខមិនទាន់បានមួយថ្ងៃផង។ មិនយូរប៉ុន្មានគ្រូពេទ្យបានដើរចេញមកដោយទឹកមុខស្រពោន Y/n ស្ទុះទៅសួរទាំងក្ដីសង្ឃឹមចុងក្រោយ “លោកគ្រូពេទ្យ!!តើប្ដីខ្ញុំយ៉ាងម៉េចទៅហើយ?"គ្រូពេទ្យដកដង្ហើមធំ រួចមានប្រសាសន៍ថា “លោក Sunghoon មានជំងឺ មហារីកគ្រាប់ឈាម (Leukemia) ដំណាក់កាលចុងក្រោយ រាងកាយរបស់លោកចុះខ្សោយខ្លាំងណាស់ហាក់ដូចជាលោកបានទ្រាំទ្រនឹងការឈឺចាប់នេះម្នាក់ឯងអស់រយៈពេលជាយូរមកហើយ..." Y/n ស្ទើរតែធ្លាក់ថ្លើមដល់ដីនាងទន់ជង្គង់ដួលទៅលើឥដ្ឋមន្ទីរពេទ្យ នាងនឹកឃើញដល់ពាក្យដែល Sunghoon តែងតែនិយាយថា “ខ្ញុំចង់ការពារនាងឱ្យដល់ទីបំផុត" Y/n នាងទើបតែយល់ដឹងនៅពេលនេះឯងថា ដែល Sunghoon ប្រញាប់ប្រញាល់បង្ហាញការពិត និងតតាំងជាមួយគ្រប់គ្នា គឺដោយសារតែលោកដឹងថាខ្លួនឯងសល់ពេលមិនច្រើនឡើយ។ បន្ទាប់ពីបានដឹងការពិតដ៏ឈឺចាប់ Y/n អង្គុយក្បែរគ្រែពេទ្យរួចកាន់ដៃ Sunghoon យ៉ាងណែន មួយសន្ទុះ Y/n ក៏បានឃើញលោកផាក និងអ្នកស្រីផាកដើរសម្ដៅមករក Sunghoon ដូចគ្នាដោយឃើញកូនប្រុសមិនទាន់ភ្ញាក់ពួកគាត់ក៏អង្គុយរងចាំ បន្ទាប់ពីមួយសន្ទុះក្រោយមក Sunghoon ក៏បានដឹងខ្លួនឡើងវិញយឺតៗ នាយបានឃើញឪពុកម្ដាយឈររង់ចាំនៅមុខបន្ទប់ដោយទឹកមុខស្រពោន អ្នកស្រីផាក បានហើបមាត់សុំជួប Y/n ដាច់ដោយឡែក ប៉ុន្តែ Sunghoon ដែលនៅមានសភាពខ្សោយនៅឡើយ បានឆ្លើយបដិសេធភ្លាមៗទាំងសំឡេងដាច់ៗ "ម៉ាក់...កុំមកជួបប្រពន្ធខ្ញុំទៀតអី ខ្ញុំមិនចង់ឱ្យនាងរងសម្ពាធឬត្រូវគេដេញចេញដោយប្រើសែកលុយដូចលើកមុនទៀតទេសូមឱខ្ញុំនិងប្រពន្ធខ្ញុំបាននៅក្បែរគ្នាដោយស្ងប់សុខផង” ទោះបីជា Sunghoon នាងបដិសេធក៏ពិតមែន ប៉ុន្តែ Y/n ដែលឈរក្បែរនោះ បានចាប់ដៃ Sunghoon ថ្នមៗ រួចនិយាយទៅកាន់នាយវិញ “Sunghoon...មិនអីទេឱ្យពួកគាត់និយាយចុះអូនចង់ដឹងដែរថាពួកគាត់ចង់និយាយពីអ្វី” ដោយសារការយល់ព្រមពី Y/n ហើយទើបឪពុកម្ដាយរបស់ Sunghoon នាំផ្លូវនាងដើរចេញទៅខាងក្រៅបន្ទប់ សម្ដៅទៅកន្លែងស្ងាត់គួរសមដើម្បីនិយាយគ្នា នៅជាមួយគ្នាមិនទាន់បានប៉ុន្មានផង..#sunghoon #enhypen #engene #parksunghoon #fyp

イトシ • Itoshi • អ៊ីតូស៊ី 𐙚

Open In TikTok:

Region: KH

Monday 16 February 2026 00:40:07 GMT