@bilgen.durys: ⚡️Алты айлық маймыл Панча жайлы мұңды оқиға желі қолданушыларын бейжай қалдырмады. Жапонияның Итикава қаласындағы хайуанаттар бағында туған Панча есімді кішкентай маймылдың видеосы әлеуметтік желілерде кең тарады. Көпшілікті оның бір сәтке де айырылмайтын сүйікті ойыншығы – жұмсақ орангутан маймылы қатты толқытқан. Панча 2025 жылдың шілде айында дүниеге келген. Алайда туғаннан кейін анасы одан бас тартып, күтімді зообақ қызметкерлері өз мойнына алған. Мамандар бүлдіршін өзін жалғыз сезінбеуі үшін оған көрпелер мен бірнеше жұмсақ ойыншық берген. Солардың ішінде жұмсақ орангутан Панча үшін ең жақын «досына» айналған. Кадрларда кішкентай маймыл ойыншығын құшақтап ұйықтап жатқанын, оны жанынан тастамай алып жүретінін көруге болады. Тіпті өзге маймылдар жақындағанда да, ойыншығын бауырына қысып, өзін қауіпсіз сезінуге тырысады. Қазіргі уақытта Панча басқа маймылдармен біртіндеп таныстырылып жатыр. Ол алғашқы қарым-қатынас қадамдарын жасап үлгергенімен, сүйікті ойыншығын әлі де қасынан тастамайды. Мейірімге толы бұл видео мен фотолар мыңдаған қаралым жинап, желі қолданушыларының жүрегін елжіретті. Көпшілік бұл көріністі көзге жас алмай көру мүмкін емес екенін жазуда. 🎦 Tv7_kz #панча #жаңалықтар #рек #тренд #bilgendurys

BILGEN DURYS

Open In TikTok:

Region: KZ

Tuesday 17 February 2026 08:05:37 GMT