Një video e vitit 2025 me protagonist futbollistin e njohur brazilian Antony është rikthyer sërish në vëmendje në rrjetet sociale, duke u bërë virale për mënyrën e pjekur dhe njerëzore si reagoi lojtari në një moment delikat me një tifoze me aftësi të kufizuara. Ngjarja ndodhi në Spanjë, pas transferimit të tij te Real Betis, ku braziliani u prit ngrohtësisht nga tifozët. Në pamjet që po shpërndahen masivisht, Antony ndalon makinën për të bërë foto me fansat e tij. Gjatë momentit, një tifoze me aftësi të kufizuara i afrohet për ta puthur në buzë. Situata mund të ishte bërë lehtësisht e sikletshme ose e keqinterpretuar, por reagimi i futbollistit ishte i qetë dhe plot respekt. Ai e përqafoi momentin me natyrshmëri, i dha disa puthje në ballë dhe më pas, me buzëqeshje, i ofroi faqen duke i thënë që t’i jepte edhe ajo një puthje. Një gjest i thjeshtë, por që u prit me duartrokitje dhe buzëqeshje nga të pranishmit. Videoja po shpërndahet me komente që theksojnë maturinë e tij, duke nënvizuar se “një reagim i gabuar do të mund t’i kushtonte karrierën”. Në një kohë kur çdo lëvizje e sportistëve filmohet dhe analizohet në detaj, mënyra si Antony menaxhoi situatën është vlerësuar si shembull profesionalizmi dhe humanizmi. Pas largimit nga Manchester United, braziliani u transferua te Betis, ku gjeti një ambient më të ngrohtë dhe një fillim të ri. Vetë lojtari është shprehur se ndihet i lumtur në qytet dhe mirënjohës për mbështetjen e tifozëve spanjollë. Rikthimi viral i videos tregon se, përtej statistikave dhe performancave në fushë, janë momentet njerëzore ato që mbeten gjatë në kujtesën e publikut. Dhe këtë herë, Antony fitoi zemrat e tifozëve jo me gol, por me një gjest të thjeshtë respekti. - @joq