@abeer_dweik: رمضان مش بس أيام صيام… رمضان عم ينطبع جوّاهم كذكريات طويلة المدى. ريحة القطايف، صوت الصحون وقت التحضير، لمّة السفرة، زينة الشباك، دعاءك قبل المغرب… كل تفصيلة صغيرة إحنا بنشوفها عادية، دماغ الطفل بيسجّلها كـ بصمة شعورية. وهاي البصمات هي اللي رح تصير لاحقًا معنى رمضان عنده. الذاكرة في الطفولة ما بتخزّن معلومات… بتخزّن إحساس. فإذا كان رمضان مليان دفء، هدوء، واحتواء رح يصير رمضان = أمان وانتماء. إنتِ مش بس بتعيشي الشهر… إنتِ بتبني أرشيف طفولة كامل مربوط به. اعملي طقوس بسيطة تتكرر: فانوس ينضو كل يوم، حضن قبل الأذان، دعاء بصوت عالي، مشاركة صغيرة بالتحضير… التكرار بصنع ذاكرة، والذاكرة بتصنع هوية. رمضانهم بالمستقبل… هو تفاصيلك اليوم 🤍 فأي ذكرى حابة تزرعيها بقلوبهم من هلا؟ �

Abeer dweik

Open In TikTok:

Region: IL

Friday 20 February 2026 11:32:15 GMT