@susannaminofficial: Worship လုပ်ချိန်က performance လုပ်ချိန် မဟုတ်ပါဘူး။ အရာခပ်သိမ်း အရှုံးပေးအပ်နှံဖို့ (surrender) အတွက်ပဲ လုပ်ထားတာပါ။ တစ်ချို့က ကိုးကွယ်ခြင်းကို လူတွေရဲ့ကောင်းမွန်ခြင်းရှိသမျှကို ပုံဖော်တဲ့ အစီအစဉ်မျိုးနဲ့ လူတွေ ပျော်အောင်ပြသတဲ့ သဘင်ပွဲလို လုပ်လာကြပါတယ်။ ဒါပေမယ့် ဘုရားဘုန်းတော် ဟာ လူအကြိုက်လိုက်ခြင်းထဲကနေ မထွက်ပေါ်လာပါဘူး။ နှလုံးသားတစ်ခုလုံး အဖိုးအခပေးခြင်း (cost) ကနေ ထွက်လာတာပါ။ Worship Team Breakthrough လိုချင်လား? ငါတို့ရဲ့ နာမည်ဂုဏ်သိက္ခာကို ဘုရားရှေ့ကိုယူလာပါ။ ငါတို့ရဲ့ ထိန်းချုပ်ချင်စိတ်ကို ဘုရားရှေ့ကိုယူလာပါ။ လူတွေမမြင်အောင် ဖုံးအုပ်ထားခဲ့တဲ့ ကျိုးပဲ့နေတဲ့နှလုံးသားအပိုင်းအစတွေကို ဘုရားရှေ့တော်မှာယူလာပါ။ Altar ဟာ ကိုယ်ခန္ဓာစိတ်သဘော (flesh) သေပြီး၊ ဘုန်းတန်ခိုး (glory) အသက်ရှင်ရာနေရာပါ။ အဲဒီနေရာမှာ တိတ်ဆိတ်မှုက ကျိုးပျက်သွားရမယ်... မာနကြီးခြင်းက ရေနွေးပူထဲ သကြားခဲထည့်လိုက် သလို အရည်ပျော်သွားရမယ်။ ဘုရားရှေ့လာတဲ့အခါ စစ်မှန်မှုမရှိသရွေ့ သင့်အသက်တာထဲမှာ ဘယ်အရာမှ မပြောင်းလဲနိုင်ပါဘူး။ ဒါကြောင့်.. ဘုရားရှေ့တော်ကို အရှိအရှိအတိုင်း ရိုးသားစွာ လာပါ။ စပါးခွံထဲမှာ အဆံမရှိနေတဲ့ အခြေအနေဖြစ်ရင်တောင် အားနည်းခြင်းအတိုင်းလာခဲ့ပါ.. ကြွေကွဲနေတဲ့ နှလုံးအိမ်အတိုင်း ယခုပဲ လာခဲ့ပါ.. ကောင်းကင်ဖခင်က ငါတို့ကို လက်ခံတယ်.. လူ့အမြင်မှာ ပြည့်စုံပြီး သန့်ရှင်းအောင် ဖန်တီးယူထားတဲ့ ငါတို့ရဲ့ မျက်နှာဖုံးဗားရှင်းကြီးကို မလိုချင်ပါဘူး.. ငါတို့ရဲ့ နှလုံးသားထဲကနေ ထွက်ပေါ်လာတဲ့ စစ်မှန်တဲ့ ကိုးကွယ်ခြင်း ကိုပဲ ဘုရားက လိုချင်ပါတယ်.. Susanna Min Bless Myanmar

Susanna Min

Open In TikTok:

Region: TH

Saturday 21 February 2026 16:37:35 GMT