@aisha.alharbi95: بنات أتعب وأنا أقول لذيذة وقوام الكريم كراميل حكايييية ونتيجتها بتضبط معاكم من أول مرة 🥹♥️ * المقادير: - 200 غرام سكر أبيض (يعادل 1 كوب) * خليط الكراميل - 397 غرام حليب مكثف محلى (تقريباً علبة كبيرة ونص علبة صغيرة) - علبة حليب مبخر كبيرة (تجي 390 غرام) - 4 بيضات كاملة (لا تخافوا من البيض يا بنات طعمه مو باين أبد أبد ومهم لقوام الكريم كراميل بيخليها من عالم ثاني) - 2 صفار بيض - ملعقة صغيرة ملح - ملعقة كبيرة ڤانيلا (انا استخدمت بودرة بس السائل أفضل) * خليط الكيك نلتزم بتعليمات الخليط الجاهز بس نستبدل: - مقدار الماء نستبدله بنص الكمية قهوة (نذوب ملعقة صغيرة قهوة سريعة التحضير مع الموية) + نص الكمية كريمة خفق - زبدة ذايبة بس نخليها تبرد شوي (بدل الزيت) - عدد البيض حسب المكتوب على كرتون الكيكة * صوص التشوكلت(اختياري) - ١٠٠ غرام تشوكلت بالحليب - ٥٠ غرام كريمة خفق * الطريقة: - نبدأ بالسكر: نحط السكر على النار بدون تحريك نخليه يذوب ويتكرمل، نقدر بس نحركه شوي على الأخير. - نصب السكر في قالب الكيك، ونخليه يبرد. - نخلط كل مكونات الكريم كراميل مع بعض ونخفق بهدوووء عشان ما يدخل هوا كثير ونصفيه في قالب الكيكة فوق السكر (ضروري نصفيه) - نخلط الكيك في صحن ثاني مع التعديلات اللي سويناها ونكب خليط الكيك فوق الكريم كراميل - نحط القالب في صينية فيها موية حارة (حمام مائي) - ندخلها الفرن على حرارة 350 فهرنهايت من تحت بس لمدة ٤٠ دقيقة (او الى ما يستوي الكيك عندكم ونقدر نتأكد بأننا نغرز عود بنص الكيك ويطلع نظيف). - نطلع الكيكة ونخليها بحرارة الغرفة حوالي ساعتين بعدها ندخلها الثلاجة أقل شيء 6 ساعات أو ليلة كاملة - لمن نطلعها من الثلاجة نحط القالب في صينية فيها موية حارة لمدة دقيقتين الى 3 دقايق عشان يذوب السكر شوي. - نمرر سكينة على الأطراف لحد ما ينتهي حد الكيكة فقط ما ننزلها الى الكريم كراميل ونقلبها. - نذوب التشوكلت مع كريمة الخفق لين ما يصير قوامهم سائل ونصبه بالنص. وبالعافية 🤍 #وصفات #كيك #viral #fyp #الشعب_الصيني_ماله_حل😂😂

Aisha

Open In TikTok:

Region: SA

Monday 23 February 2026 11:03:06 GMT