الرضاعة الطبيعية مش بس وسيلة تغذية… دي نعمة كبيرة من ربنا سبحانه وتعالى، ورحمة حطّها في قلب كل أم ❤️ اللبن الطبيعي مش مجرد أكل، ده تركيبة إلهية متظبطة على احتياج الطفل بالمللي 👶🏻 فيه أجسام مضادة بتحميه من العدوى، بيقوي مناعته، يقلل المغص، يقلل الحساسية، ويحميه بنسبة كبيرة من التهابات الصدر والأذن. حتى على المدى البعيد بيقلل فرص السمنة والسكر وبعض الأمراض المزمنة. وكمان مش فايدته للبيبي بس… ليكي إنتِ كمان يا ماما 🌸 الرضاعة الطبيعية بتساعد الرحم يرجع لحجمه الطبيعي أسرع، بتقلل النزيف بعد الولادة، وبتقلل احتمالية الإصابة بسرطان الثدي والمبيض. غير إنها بتساعد في نزول الوزن بشكل طبيعي وتديكي إحساس بالترابط والاحتواء مايتوصفش 🫶🏻 اللحظة اللي طفلك بيبصلك فيها وهو بيرضع… دي مش بس لحظة تغذية، دي أمان، حب، وسكن 🤍 صوت قلبك، ريحتك، حضنك… كل ده بيطمنه وبيكوّن شخصيته العاطفية من وهو لسه رضيع. آه، في البداية ممكن تكون متعبة… تشقق، ألم، سهر، إحساس إنك مرهقة… بس صدقيني الفترة دي بتعدي، وجسمك بيتظبط، والموضوع بيبقى أسهل بكتير مع الوقت. أهم حاجة الدعم والصبر وعدم الاستسلام من أول تعب. نصيحة من القلب لكل أم 🤍 متستسهليش وتلجئي للبن الصناعي من غير سبب طبي حقيقي. لو في مشكلة، دوري على حل: استشارة رضاعة، تعديل وضعية، متابعة مع دكتور. في حلول كتير قبل ما تقولي "مش قادرة". ربنا ماكانش هيحط النعمة دي في جسمك إلا وأنتِ قدها 💪🏻 ثقي في نفسك، ثقي في جسمك، وافتكري دايمًا إنك بتدي طفلك أغلى هدية ممكن ياخدها في أول عمره. ربنا يقوي كل أم، ويرزق كل محرومة 💕 #الرضاعة_الطبيعية #امهات #الرضاعة #ماما_جديدة - @dryasmin_yahya