قصة اغنية حزينة جدا قصة اغنية حتي الطيف رحل خلاني قصة اغنية في وجدانى كتب بروف هاشم مساوى - استشارى علم الامراض قبل سنوات .... زارنا الفنان محمد كرم الله في بيت اختنا علوية مساوي في السجانة ... اشتهر باغنية الطيف ... من اروع الالحان و اعجب بها عدد من الفنانين وتغنى بها وردي سألت عنها محمد كرم الله عليه رحمة الله و كان وقتها متوقف عن الغناء ... اى تاب .... فقال لي لن اغنيها لك ولكن احكي لك قصتها ... و انا شاب يافع كنت ازور اختي في كورتي في الاجازات ... وانا داخل على البلد قابلني صديق عزيز من ابناء البلد راكب لوري في طريقه للخرطوم ... وقال لي ... (استناني بمشي واجيك باكر) ... وكان مسافر ليحضر اسبير لوابور الزراعة .... لكن تاني يوم فجعت بخبر انقلاب اللوري و وفاته .... حزنت شديد وكنت اردد في كلامه (انا لا تقولي كدا استناني بمشي و اجيكا باكر ... امكن انا ما الم فيك تاني مين عارف المصاير) ... و هذه الكلمات الوحيدة التي رددتها باستمرار ثم اكمل الشاعر محمد سعيد دفع الله الباقي و هكذا كانت اغنية الطيف مشتركة بين وجدانين ... مولودة في جوف الحزن ... من اعمق الاغاني السودانية لحنا و اداء . الطيف كلمات / محمد سعيد دفع الله غناء / الراحل محمد كرم الله حتى الطيف رحل خلاني أي قليل يا طيف أقيف وارجاني وين فايتني عابر وأنا شن حارس وراك أنا تاني ياني معاك مسافر وين حتى الطيف رحل خلاني ما طيب لي خاطر الليلة لا تقولي هيّ كدي استناني بمشي بجيك باكر يمكن أنا ما ألم فيك تاني من عارف المصاير وين حتى الطيف رحل خلاني ما طيب لي خاطر الليلة هاك أسمع رنين ألحاني أبقى معاي سامر خفف لي قليل أحزاني ياما أنا عشت صابر وين حتى الطيف رحل خلاني ما طيب لي خاطر الليلة شوف كيفن يسوي زماني ديمة علي جاير آه مر العذاب وراني سهمو في قلبي غاير وين حتى الطيف رحل خلاني ماطيب لي خاطر الليلة شوف كيف بستاني الكان باشي ناضر من حر السموم بيعاني طيرو يفر يهاجر وين حتى الطيف رحل خلاني ماطيب لي خاطر الليلة جفّ يبس صبح صناني لافح حرو كافر عدمان الضليل سواني مجنون قالوا شاعر وين حتى الطيف رحل خلاني ماطيب لي خاطر الليلة كل ما تمر تعدي ثواني منو أسراب تغادر رحل الفيهو صر وحداني نازل ومر سادر وين حتى الطيف رحل خلاني ما طيب لي خاطر أنا بحوم وأرجع وأصد بكاني مقطوع راسي حاير #قصة #السودان #السودان_مشاهير_تيك_توك #الشعب_الصيني_ماله_حل😂😂 #wd_abdallah - @_ali_abdallah