@shifa_mamajourney1: أكبر غلطة بالأكل الصلب؟ إننا بنقيسه بالكمية! ب6 شهور إحنا مش هدفنا “يشبع من الصحن”… هدفنا يتعرّف عالطعام: يمسك، يلمس، يلعق، يجرب… عشان يصير الأكل مألوف بدل ما يكون مخيف. عشان هيك مرات بتشوفي صحن فاضي أو قطعة “مهووسة لعب” 🤭 وهذا طبيعي جدًا، لأنه هاي المرحلة اسمها تدريب حسّي ومهاري: اليد تمسك، الفم يجرّب، واللسان يتعلم قوامات جديدة. ومع الوقت نفس الطفل اللي كان “بس يلعب” بصير يعض ويأكل بجد لأنه صار عنده مهارة وثقة. وبالنسبة لفكرة العظمة : الفكرة مش “العظم” نفسه… الفكرة إنه يكون في “مقبض” كبير يمسكه ويجرب عليه. ‼️ بس مهم جدًا للأمان: لازم القطعة تكون كبيرة، مطبوخة منيح، واللحم ماسك فيها، وما تكون بتتفتّت لقطع صغيرة، وإنتِ موجودة طول الوقت وقاعدته مستقيمة. وإذا خايفة من العظمةعادي! في بدائل بنفس الفكرة: بدائل “بمقبض” مناسبة لمرحلة 6+ شهور: أفوكادو شريحة كبيرة بطاطا حلوة ستكس موز نصه بالقشرة بروكلي/قرنبيط مسلوق خفيف خيار/جزر مسلوقين ستكس (حسب القوام المناسب) توست ستيك مع لبنة/حمص رقيق… الهدف دايمًا: يمسك ويجرب بأمان احكيلي: ابنك او بنتك بأي مرحلة؟ “يلعب بالأكل” ولا بلّش يبلع كميات؟ 👇 تابعي @mamajourney1 اشاركك رحلة الامومة❤️
