Marka aan kulano, waxaan doonayaa inaan kuu muujiyo jacayl aan ku qarin karin erayo keliya, jacayl laga dareemo qabsashada gacmaha, kulka laabta, iyo deganaanta qalbiga marka aad adigu i dhowdahay. Waxaan doonayaa inaan kaa dhigo qof waligiis ogaanaya in uu leeyahay qof u qalbiga furo oo aan ka daalin, oo aan ka tegin, oo mar walba joogta kuu jecel adiga. maalin kasta oo aan kaa maqanahay, waxaan dareemaa farqi weyn oo qalbigayga ka dhex taagan, waxaan dareemaa in adiga la’aanta ay u eg tahay sidii bilaa neefsi, sidii ay cidlo u noqotay meel dhan. Laakiin xitaa marka aan kala fognahay, jacaylka aan kuu hayo wuxuu i siiya xoog, wuxuu ii yahay rajada aan ku noolahay, wuxuu ii tusayaa in maalinta aan kula kulmo ay ka dhigan tahay farxad cusub oo qalbigayga dib u dhisaysa. Marka aynu kulano, waxaan rabaa inaan ku galiyo laabtayda anigoo dareemaya in waqti kasta oo aan ku haysto ay tahay duco Ilaahay iga aqbalay oo aan ugu mahadceliyo. Waxaan rabaa inaan eegto indhahaaga oo aan ka akhriyo sheekada jacaylka aan ku dhisnay sheeko ka xoog badan fogaansho kasta, waqti kasta, iyo caqabado kasta. Waxaan rabaa inaan kuu sheego anigoo kugu haysta laabtayda Muddo kasta oo aad iga fogaatay,in qalbigeyga wuu kuu hanwaynaa oo wuu rajaynaayay in uu maalin un ku helo adiga. Jacaylka aan kuu hayo ma aha mid ku kooban maalin ama habeen uxuu ku jiraa dhiiggayga, wuxuu ku dhex nool yahay neefta aan qaato, wuxuu la socdaa talaabo kasta oo aan qaado.Adiga dartaa ayaan ubartay sida loo sabro, sida qof loo sugo, sida loo jeclaado qof xitaa marka uusan agtaada joogin. Adiguna waxaad noqotay sababta aan u aamino in jacayl dhab ahi uu weli dunida ka jiro. waqti kasta oo aan kaa maqanahay wuu ii dheer yahay, laakiin maalinta aan ku arko… waa maalin qalbigayga ku beeri doonta nabad cusub. Waxaan rajeynayaa in kulankeenna uu noqdo mid aan kaga bogsano maalmihii aan kala maqnaym oo aan ku xasuusano kuna ogaano in jacaylkeennu yahay mid u qalma sugitaan, u qalma sabir, una qalma in lagu noolaado inta nolosheena ka dhiman❤️ - @omarrr411