@juzmedia: Әлеуметтік желілерде Иранның жоғарғы көшбасшысы Али Хаменеидің фотосын өртеген қыз тагымал болған еді. Көптеген қолданушылар бұл әрекетті Ирандағы қазіргі билікке қарсы наразылықтың символы ретінде қабылдады. Видео Ираннан тыс жерде – Канадада түсірілген, алайда мазмұны ел ішіндегі жағдайға тікелей қатысты. Қыз өзін Ираннан келген босқын ретінде таныстырады. Әлеуметтік желілерде ол Morticia Addams деген ник қолданады. AP News мәліметінше, Мартишаның босқын мәртебесін алу жолы бірнеше жылға созылған. Қыздың айтуынша, Иранда ол бірнеше рет қудалауға ұшыраған. Ол алғаш рет 17 жасында 2019 жылғы жаппай наразылықтар кезінде, «Қанды қараша» деп аталған оқиғаларда ұсталғанын айтады. Сол кезде, Мартишаның сөзінше, оны күш қолданып қамауға алып, бір түнге изоляторға жапқан, кейін кепілдікпен босатқан. Осыдан кейін ол бақылауда болған. 2022 жылы Махса Аминидің қазасынан кейін басталған наразылықтар аясында қыз хиджабты міндетті түрде тағуға қарсы онлайн-бағдарламаларға қатысқан. Осыдан соң, оның айтуынша, қорқыту хабарламаларын ала бастаған. 2024 жылы Иран президенті Ибрахим Раиси әуе апатынан қаза тапқаннан кейін, Мартиша тағы да ұсталған – бұл жолы Исфахандағы өз үйінде. Қыз тергеу кезінде қорланып, физикалық зорлық көргенін айтады. Кейін ол ресми түсіндірмесіз ірі көлемдегі кепілдікпен босатылған. Осыдан кейін ол Ираннан кетіп, Түркияға барған, кейін Канадаға студенттік виза алып, босқын мәртебесін алған. Қазір оның жасы шамамен 25-те, ол Торонто қаласында тұрады. Дәл сол жерде 7 қаңтар күні ол кейін желіде «темекі ұстаған қыз» деген бейресми атауға ие болған видеоны түсірген. Ролик Иран билігі елдегі интернетке қолжетімділікті дерлік толық шектегенге дейін бір күн бұрын жарияланған. Видео бірден бірнеше символдық тыйымды – саяси, діни және гендерлік шектеулерді – бұзуды біріктірді. Оның кеңінен таралуының себебі де осы. Әлеуметтік желі қолданушыларының көбі бұл роликті наразылықтың бір түрі және ел ішіндегі репрессивті саясатқа қарсы шығып жатқан адамдармен ынтымақтастық білдіру деп қабылдады.

946

There are no more comments for this video.

To see more videos from user @juzmedia, please go to the Tikwm homepage.