@ss.e80: اشتقتلك… اشتقتلك بطريقة مش عاديّة، زي حد ضايع بلحظة وبدور على صوت واحد بس يطمنه. اشتقت لضحكتك اللي كانت تخفف عني نص التعب، ولحكيك العفوي . اشتقت لأدق التفاصيل، للطريقة اللي كنت تناديني فيها، للسكوت بيناتنا اللي كان مفهوم أكتر من ألف كلمة. في أشياء حوالَي لسا زي ما هي، بس من دونك كل إشي باهت، يمكن ما كنت أعبّر دايمًا، ويمكن كرامتي كانت تغلبني ، بس الحقيقة إنك غايب عن عيني ومش غايب عن بالي ولا لحظة. كل موقف بصير معي بفكر: لو كنت هون، شو كنت رح تحكي؟ وكيف كنت رح تضحك؟ اشتقتلك قد ما الشوق بيوجع وقد ما هو حلو بنفس الوقت… اشتقتلك قد ما الشتا بيشتاق للشمس، وقد ما الروح بتشتاق لحد يكون فاهمها من غير ما تشرح…🫀

🦢

Open In TikTok:

Region: IL

Tuesday 03 March 2026 15:34:43 GMT