အသက် ၁၆၊ ၁၇ လောက်တုန်းက ရုပ်တအားချောတဲ့ ချစ်သူကိုလိုချင်တယ်၊ ကျန်တာမသိဘူး။ ရုပ်လေးချောနေရင်ကို အဲလူဟာ ကိုယ့်ဘဝ၊ ကိုယ့်ဇာတ်လိုက်ကလေးလိုရင်တုန်ပန်းတုန် ပိုးပန်းမိတော့တာပဲ့။ အသက် ၁၉၊ ၂၀လဲရောက်ရော ငွေရှာနိုင်တဲ့ လက်တွဲဖော်ကမှ မှန်ကန်တဲ့ရွေးချယ်မှုလို့ ထင်လာတယ်။ ဘဝက အလေလိုက်နေလို့မဖြစ်ဘူး။ တော်ရမယ်၊တတ်ရမယ်။ကြိုးစားချင်ရမယ်ပေါ့။ ငွေနဲ့မခင်းပဲလျှောက်ရတဲ့ လမ်းတွေဟာ ဘယ်လောက်ကြမ်းတမ်းကြောင်း လက်တွေ့ကျကျသိလာလို့ပဲ့။ ဟော. .. … အသက်ရွယ် ၂၄၊ ၂၅။ ဘဝရဲ့တစ်ဆစ်ချိုးမရောက်တရောက် အရွယ်လေးလဲ ဖြစ်လာရော။ ကိုယ်တို့ဟာ စကား သိပ်ပြောတတ်တဲ့လူတွေ ဖြစ်လာကြတယ်။ အရမ်းမေးတယ်၊ အရမ်းကြောက်တယ်။ အရမ်းစိုးရိမ်တယ်။ ချစ်သူ၊ လက်တွဲဖော်၊ အိမ်ထောင်ဖက်၊ ဒီလိုသတ်မှတ်ချက်မျိုး ကြားရင်ကို၊ ကိုယ်နဲ့ပဲ့ ဆိုင်သေးသလိုလို၊ မဆိုင်တော့သလိုလို။ ကိုယ်လျှောက်ဖြစ်အုံးမယ့် လမ်း၊ ဟုတ်သေးသလိုလို၊ မဟုတ်တော့သလိုလို။ ဘာလို့ဆို “ အချစ်ဟာ ကံစမ်းမဲနှိုက်သလို ပေါက်ချင်ရာပေါက်၊ ရချင်ရာရပြီး. .. … ပေါက်ပြီးမှ သိ၊ ရပြီးမှ ကြည့်ရတဲ့ စိန်ခေါ်ပွဲ တစ်ခုပါလားလို့ ထိုက်သင့်သလောက် ကိုယ်တိုင်ဝင်ပြိုင်ပြီး ဒီလမ်းမှာ မောပန်းသွားကြပြီမို့လို့ပါပဲ့။ ဒါပေမယ့် မဖြစ်မနေ ရေစက်ရှိလို့ တွေ့ဆုံရဉီးမယ်ဆိုရင်လည်း. .. .ဆုတောင်းတွေတော့ ပြောင်းလဲခဲ့ပါပြီ။ ရုပ်ချောသူမဟုတ်ဘူး။ ငွေရှာနိုင်သူမဟုတ်ဘူး။ “ လူသားဆန်တဲ့ စိတ်နှလုံးရှိပြီး. … . လူမှန်တစ်ယောက်သာပြုမှုနိုင်တဲ့ လုပ်ရပ်မျိုးနဲ့ ဘဝကို အသက်ရှင်မယ့်သူ၊ ပြီးတော့ ကိုယ့်အပေါ်လည်း ချစ်မိနေမယ့် လူကောင်းလေး တစ်ယောက်လောက်ပေါ့ “ ငွေနဲ့ မခင်းနိုင်တဲ့လမ်းတွေဟာ ကြမ်းမှန်းသိပါတယ်၊ ဒါပေမယ့် လူ့ကိုယ်ကျင့်သိက္ခာ မထိန်းသိမ်းတဲ့ လူတစ်ယောက်နဲ့ အတူနေထိုင်ရခြင်းလောက်တော့ ဒီလမ်းက မှီအောင်မဆိုးရွားနိုင်လို့ပဲ့။ ဒါကိုလည်း ကောင်းကောင်းသိခဲ့ပြီ။ ကိုယ်ဟာ အဲဒီလူကောင်းလေးနဲ့မှ ငွေတွေလည်း အတူတူရှာရင်းပေါ့. … .#crd #သဘောကြလို့ - @sumyathnin641