የድንገት እንግዳ🤌☺️ ✍️ግርማ ሞገስ ያለው መቻልን የታደለ ትልቅ ማንነት ያለው ተወዳጅ ሙዚቀኛ ነው የዓይንሽ ዛጎላማ ነው የደሞ ጀመረኝ የኋላ እንዳይቆጭሽ .... አይነት 12 አልበሞችን ያደረሰን በትውልድ ቅብብል ከዝናው ማማ ላይ ያልወረደ አንጋፋው ሙዚቀኛ ኤፍሬም ታምሩ (ኤፊያችን)🥰 ✨ውድ ቤተሰቦቼ የተወለደው ባህርዳር ከተማ ሲሆን አብዛኛው የህይወት ትዝታው የከተመው ግን ከአባትና እናቱ አገር ደጀን ነው፡፡ የፖስታ ቤት ስራ አስኪያጅ የነበሩት አባቱ የሥራ ዝውውር ምክንያት ከአንደኛ እስከ አምስተኛ ክፍል ያለውን ጊዜውን ባህር ዳር፤ደብረማርቆስ፤ዲላ፤ወሎ ጠቅላይ ግዛት፤ አዲስ አበባ በመዘዋወር ተምሯል፡፡ በአባቱ የጤና እክል ምክንያት ቤተሰቡ ወደ ደጀን ተመልሶ ትምህርቱን እዛው ቢቀጥልም በስካውት ; የትያትርና የሙዚቃ ክለቦችም በመሳተፍ የነፍሱ ጥሪ የሆነውን የሙዚቃ ችሎታውን የተረዳበት ወቅትም ነበር፡: በወቅቱ የተለያዩ ከተሞችን በመዘዋወር የሙዚቃ ስራቸውን ከሚያቀርቡ ባንዶች ጋር ከቤተሰቡ በመደበቅ የክረምትን ሁለት ወራትን አብሮ ያሳልፍ ነበር ፡፡ የቤተክርስቲያን ሰዎች የነበሩት ወላጆቹ በተለይም አባቱ ይህንን በመቃወም በእግር ብረት እስከማሰር ቢደርሱም ሙዚቃ በቤቷ ልታነግሰው ወዳለችና በቀጣይ ክረምቶችን በተመሳሳይ የሙዚቃ ስራ ያሳልፍ ነበር፡፡ በአንድ ወቅት በጎጃም 7ቱም አውራጃዎች መካከል በዘመናዊና ባህላዊ ሙዚቃ ውድድር ሲደረግ በዘመናዊ ሙዚቃ አንደኛ በመውጣቱ በደብረማርቆስ ሃይስኩል ውስጥ የነበረው የብሉናይል ኦርኬስትራ ይህንን በማየት ቀጥሮት ከባንዱ ገቢ 18 ፐርሰንት እየተከፈለው ከደጀን ደብረማርቆስ እየተመላለሰ የጥላሁን ገሰሰን ሙዚቃ ያቀርብ ነበር፡፡ ዝነኛው ኤፍሬም ታምሩ የሚለው ስያሜም ከዛን ወቅት ጀምሮ ያገኘው ይመስላል፡፡ በህይወቱ ትልቅ ቦታ እንዳለው የሚመሰክርለት ድምፃዊ አያሌው መስፍን ጋር ለመስራት ባገኘው አጋጣሚ ወደ አዲስ አበባ መጥቶ ዛምቤዚክ የተባለ የምሽት ክለብ ስራ ጀመረ፡፡ በታዋቂው የኦሮምኛ ሙዚቃ ድምፃዊ አሊ ቢራ ፈታኝነት በቀን 3 ብር ደሞዝ የተጀመረው የሥራ ህይወቱ ቬነስ ክለብ፤ ሆቴል ዲ-አፍሪክ ፤ ራስ ሆቴል ፤ ጊዮን ሆቴል ፤ሂልተን ሆቴል፤ በመጫወት ቀጥሏል:: “ገና ልጅ ነኝ ጋሜ“ የመጀመሪያ አልበሙ ሲሆን ከታዋቂዎቹ የግጥምና ዜማ ደራሲዎች ይልማ ገ/አብ እና ዶ/ር አበበ መለሰ ጋር የሰራው “ነይልኝ“ ከህዝብ ጋር የተዋወቀበት የምንግዜም ልዩ ስራው ነው፡፡ ለአድናቂዎቹ ባበረከታቸው 12 አልበሞች ፍቅር፤ትዝታ፤ሀገር፤ናፍቆት፤መለያየት:ይቅርታ በማራኪ ጥበብ በድምፁ ተዘክረዋል፡፡ አድናቂዎቹ የድምጻዊው ስራዎች የፍቅር ህይወታቸው አጋፋሪ፤ የትዝታ መሰላል; የሃዘን ማስረሻ እንደሆኑላቸው በተለያዩ አጋጣሚዎች ይመሰክራሉ፡፡ የቅርብ ጓደኞቹና የስራ ባልደረቦቹ ስለግል ባህሪው ሲያወሱ "ተጫዋች; ቀልደኛ እና ተግባቢ" ነው ይላሉ:: የእረፍት ጊዜውን አትሌቲክስ፤ እግር ኳስ በመመልከት፤ ሙዚቃ በማድመጥና መፅሃፍትን በማንበብ እንደሚያሳልፍ ከአመታት በፊት በሰይፉ ፋንታሁን የመዝናኛ ዝግጅት ላይ ቀርቦ ገልጷል፡፡ ኤፍሬም ታምሩ አዲስ አልበም ጀባ እንደምትለን ተስፋ አደርጋለሁ። ጥበበኞች ዜማና ግጥሚቸውን ከሽነው ደስ በሚለው አዚያምህ ሙዚቃን ከነክብሯ እንናፍቃታለን። እኔም ለዛሬ ከታላቁ ሮሃ ባንድ ጋር እና እጅግ ከምናከብረው አበጋዙ ጋር በመሆን በውብ ሁኔታ ከሰራው እንደገና አልበም እጅግ ተወዳጁን 'የድንገት እንግዳ'ን እንደተለመደው ለትውስታ ጀባ አልኳቹ☺️ ስለ አበረከትክልን ፍቅርን አንድነትን ህይወትን ከሚያሳዩን የማይጠገቡ ዘመን ተሻጋሪ ስራዎች እናመሰግናለን ሁሌም እንሰማቸዋለን እናያቸዋለን። ከዘፋኝ ኩሩ ኤፍሬም ታምሩ🥰🙏 ክብር ለሚገባው ክብር እንሰጣለን🫡 musictube #fyp #ኤፍሬምታምሩ #የድንገትእንግዳ #musictube369 #ethiopianmusic - @musictube369