@moebayer: المقادير للزهرة: • راس زهرة متوسط (مقطع زهرات متوسطة) • 2 ملعقة كبار زيت زيتون • 1 ملعقة صغيرة ملح • ½ ملعقة صغيرة فلفل أسود • 1 ملعقة صغيرة بابريكا • 1 ملعقة صغيرة كمون • 1 ملعقة صغيرة كزبرة ناشفة بديل القلاية الهوائية (إذا بدك تقليها): • 2 ملعقة كبار نشا • نفس البهارات المذكورة فوق صوص الطحينية (كمية مضاعفة): • 1½ كوب طحينية • عصير ليمونتين كبار (أو حسب الرغبة) • 2 ملعقة صغيرة سماق • 2 فص ثوم مهروس ناعم • تقريباً 1½ – 2 كوب مي (حسب القوام) • 1 ملعقة صغيرة ملح بدنا الصوص يطلع أنعم وأخف شوي من صوص الطحينيه العادية التزيين: • كمشة بقدونس مفروم • ¼ كوب رمان • 2 ملعقة كبار لوز مقلي • شرائح ليمون الطريقة أولاً: الزهرة إذا بالقلاية الهوائية: اخلط الزهرة مع زيت الزيتون والملح والفلفل والبابريكا والكمون والكزبرة. حطها بالقلاية الهوائية 200 درجة لمدة 12–15 دقيقة مع تقليب بنص الوقت لحد ما تتحمر ويصير لونها دهبي خفيف. إذا بدك تقليها: اخلط الزهرة مع النشا ونفس البهارات منيح، واقليها بزيت حامي لحد ما تصير مقرمشة ودهبية. ثانياً: صوص الطحينية بوعاء حط الطحينية وعصير الليمون وبلش حرك. ضيف الثوم والسماق والملح. بعدين ضيف المي شوي شوي وانت بتحرك لحد ما يصير القوام ناعم وسائل شوي. ثالثاً: التجميع بالفرن رص الزهرة بصينية فرن. اسكب صوص الطحينية فوقها منيح. دخلها الفرن على 180 درجة لمدة 10–15 دقيقة بس لحد ما الطحينية تتماسك شوي.

Moe Bayer

Open In TikTok:

Region: GB

Thursday 05 March 2026 09:28:11 GMT