@sosckaa2: اليوم صار لي موقف فجأة ما كنت متوقعته. كنت أسوق وعيالي معايا، وفجأة كان في كفر في الطريق وصدمته. في اللحظة دي حسّيت بصدمة قوية... مو بس من الحادث، لكن من المفاجأة نفسها. كأن كل شيء وقف لحظة. الغريب إني ما قدرت أبكي ولا أنهار، مع إن داخلي كان مليان خوف كنت حاسة بكل المشاعر جوايا، بس كنت أجاهد نفسي وأتماسك عشان عيالي معايا، وما أبغاهم يخافوا أو يحسوا إن أمهم مرتبكة. كنت أحاول أتكلم معاهم بهدوء وأقول لهم الحمد الله إحنا بخير. وقتها زوجي كان في الخط، أنا كنت سابقة شوية، ولما صار اللي صار حاول يطمني ويحتويني وكان واقف معايا. وجوده جنبي في اللحظة دي كان مريح ليا حتى لو كنت أحاول أبين إني قوية. الحمد لله ألف مرة إننا وصلنا البيت بالسلامة. يمكن للحين الصدمة موجودة جوايا وما استوعبت كل اللي صار، لكن أهم شيء إننا بخير. الحمد لله على لطف اللّٰه وستره ... قدر اللّٰه وما شاء فعل💔