@drhalataahel: 🚨 روشتة الغلابة اللي مفعولها أقوى من المستورد 💊❌ لو الميزانية مش سامحة بمكملات غالية أو تعبتي من شكل العلب.. تعالي أقولك الخلاصة من مطبخك اللي هترجع طاقتك في أسبوع واحد الكل بيسألنى أجيب مكمل إيه؟ و المستورد غالي و عايزين بديل ... والحقيقة إن جسمك مش محتاج علبة غالية جسمك محتاج عناصر في صورتها الحيوية اللي بيفهمها ويمتصها فوراً و أنا النهارده هقولك الخلاصة اللي هترجع طاقتك ونشاطك من غير ما تضغط على ميزانيتك 🔑خدى منى المنجم الطبيعي للعناصر اللي ناقصاكي .. 📍 بديل حقن الـ B12 (الأعصاب والتركيز) البيض و الكبدة البقري أو القلوب هي المصدر رقم ١ عالمياً للـ B12 النشط كمية صغيرة أسبوعياً كفيلة تشحن مخازن جسمك وتنهي الخمول 📍 مركب المغنيسيوم (النوم والاسترخاء) (بذور اليقطين و المكسرات و السبانخ ).. دول مش تسلية دول فيهم أعلى تركيز ماغنيسيوم وزنك يعني هدوء أعصاب نوم عميق وعضلات مرتاحة 📍 بديل الكولاجين وفيتامين C (للبشرة والمفاصل) (شوربة المواسير و نخاع العظم مع عصرة ليمون كبيرة).. الليمون هنا مش نكهة ده المفتاح اللي بيخلي جسمك يبني كولاجين طبيعي ويرمم المفاصل ويفتح البشرة 📍 رفع مخزون الحديد (علاج الهالات والنهجان) (السبانخ أو البروكلي بشرط وجود بروتين حيواني معاهم).. الحديد النباتي لوحده ضعيف لكن لما تحطى جنبه قطعة بروتين وعصرة ليمون الامتصاص بيزيد ٥ أضعاف 📍 فيتامين D (المناعة والعظام) (التونة و السردين و المشروم و صفار البيض ).. دول أكل الشمس ومعاهم ١٠ دقائق تعرض مباشر للشمس هتنسى آلام العظم وتحسن مودك تماماً ⚠️الخلاصة أن الفيتامين الغالي ملوش قيمة لو امتصاص جسمك ضعيف لكن الأكل الطبيعي هو اللغة اللي خلاياكى بتفهمها وفري فلوسك للتحاليل الأول عشان نعرف النقص فين بالظبط وصحتك أهم من أي ماركة دواء ♻️لو شايفه المعلومات دي مفيدة متنسيش ) عشان غيرك يستفيد ومنشن لصاحبتك اللي ديماً بتشتكي من التعب والخمول #علاج_طبيعي_وتأهيل #اكسبلورexplore #اكسبلور #الكويت_مصر_السعودية_سوريا_الامارت
