@azher.therapy: كلنا بنفرح لما ولادنا يبدأوا يصوموا، بس هل فكرتي إن الصيام ده بيبني مهارة نفسية هتغير مستقبلهم؟ 🤔 في علم النفس عندنا مفهوم اسمه "تأجيل الإشباع" (Delayed Gratification)، وهو قدرة الطفل إنه يمسك نفسه عن حاجة بيحبها وموجودة قدامه دلوقتي (زي الأكل والمياه)، عشان يحصل على مكافأة أكبر بعدين (الفطار وفرحة الإنجاز). 💡 ليه المهارة دي خطيرة؟ الطفل اللي بيتعلم يسيطر على رغباته وهو صغير، بيكبر يكون شخص قادر ياخد قرارات صح.. بيقدر يذاكر عشان ينجح بدل ما يلعب، بيقدر يحوش عشان يشتري حاجة ليها قيمة بدل ما يصرف في لحظتها، وبيقدر يتحكم في انفعالاته بشكل أفضل. الصيام مش بس عبادة، ده "تدريب عملي" يومي لعضلة التحكم في الذات عند ولادنا. 💪💚 👇 قوليلي في الكومنتات: ولادك عندهم كام سنة، وبدأوا يصوموا ولا لسه بتدربيهم؟#رمضان_يجمعنا #تعديل_سلوك #صحة_نفسية #المنصورة

692

There are no more comments for this video.

To see more videos from user @azher.therapy, please go to the Tikwm homepage.