@moesayed95: التمرين بهيك ايام مش رفاهية بل ضرورة! كيف بدك تساعد عيلتك وتدعمهم اذا انت مش جاهز وبدك مين يدعمك! الشي الوحيد يلي قادر تسيطر عليه بهيك ظروف، هو حالتك الجسدية يلي رح تساعدك تعمل كونترول على حالتك النفسية. بالوضع الصعب يلي عم نمر فيه اليوم بلبنان، ومع القلق والنزوح وعدم الاستقرار، ممكن نحس إنو الرياضة صارت آخر همّنا. لكن الحقيقة إنو الرياضة بهيك أوقات بتصير أهم من أي وقت تاني. ما ضروري يكون في نادي، ولا أجهزة، ولا حتى وقت طويل. وين م كنت فيك تعطي جسمك وعقلك شوية وقت. جسمك بحد ذاته وزنه بين 70 و100 كيلو، يعني معك وزن كافي تتمرن فيه وين ما كنت. حتى لو 20 دقيقة باليوم بس. فيك تعمل تمارين بسيطة مثل: • Push-ups (بوش أب) • Pull-ups (بول أب) • Squats (سكوات) • Lunges • Plank • Burpees • Dips بين كرسيين • Mountain climbers هالتمارين كفيلة تحافظ على قوة عضلاتك، مرونة جسمك، وصحة قلبك. لكن الأهم من العضلات هو الأثر النفسي. الدراسات العلمية بتأكد إنو التمرين الرياضي: • بيخفّض هرمون التوتر الكورتيزول • بيرفع هرمونات السعادة مثل الإندورفين والسيروتونين • بيساعد على تقليل القلق والاكتئاب • وبيعطي شعور بالسيطرة وسط الفوضى. الرياضة بهيك ظروف ما بس بتحسّن شكلك… هي وسيلة صمود نفسي وجسدي. كمان، المحافظة على اللياقة بتخليك جاهز لأي مجهود مفاجئ: مشي لمسافات طويلة، حمل أغراض ثقيلة، مساعدة العائلة، أو أي ظرف طارئ يحتاج قوة وتحمل. القوة اليوم مش رفاهية… القوة صارت ضرورة. حتى لو تمرين بسيط، حتى لو ببيت صغير، حتى لو 20 دقيقة… خليك تحرك وخليك قوي. وإذا بتعرف حدا ممكن يستفيد من هالكلام، ابعتلو هالبوست وذكّرو بعض إنو الصحة الجسدية والنفسية أهم شي بهيك ظروف. #lebanon #escalation #MentalHealth #Fitness #emergency
