@uzalendo_na_mabadiliko: Katika kuadhimisha Siku ya Wanawake, tunakumbuka moja ya ujumbe uliowahi kuwagusa na kuwahamasisha wanawake wengi uliotolewa na Mchungaji Rwakatale. Ingawa hotuba hiyo ilitolewa miaka iliyopita, ujumbe wake bado una nguvu na unaendelea kuwapa matumaini wanawake na vijana wanaotafuta kuinuka kiuchumi. Katika sehemu ya hotuba yake alisema:“Nina neno fupi kwa ajili yako, ya kwamba hata wewe inawezekana kuinuka kiuchumi. Kwa hiyo nakuachia wosia ndugu yangu tufanye kazi, kazi inalipa.” Ujumbe huo ulihimiza wanawake na vijana kuamini katika uwezo wao na kuthubutu kufanya kazi kwa bidii ili kufikia ndoto zao. Aidha aliwatia moyo vijana kwa kusema: “Nakutia moyo kijana, kubali kuanza chini. Ni kaburi tu ndilo huanzia juu. Kubali kujituma, kubali kujifunza kutoka kwa wengine.” Kauli hiyo imeendelea kuwa chanzo cha motisha kwa wengi, ikikumbusha umuhimu wa unyenyekevu, kujifunza na kujituma katika safari ya mafanikio. Akihitimisha ujumbe wake, Mchungaji Rwakatale alisisitiza kuwa Mungu alipomuumba mwanamke na mwanaume, hakuumba tajiri wala maskini. Alieleza kuwa mara nyingi hali ya mtu kuwa tajiri au maskini hutegemea juhudi, bidii na maamuzi anayochukua katika maisha. #WanawakeDay #UboraNaViwango #HakiNaUwajibikaji #UzalendoNaMabadiliko

uzalendo_na_mabadiliko

Open In TikTok:

Region: TZ

Saturday 07 March 2026 19:20:30 GMT