⁨ ⁨ ⁨ وايد منكم يسألني: ليش ليلى تقضي يوم ميلادها مع أبوها بروحهم؟ وليش ما تحتفلون كلكم مع بعض؟ الحقيقة إن ليلى ما شاء الله ما عندها يوم واحد للاحتفال… عندها أكثر من احتفال وأكثر من يوم حلو 🤍✨ قبل رمضان سوّينا حفلة كبيرة واحتفلنا كلنا مع بعض أنا وأبوها وأختها وصديقاتها، و أختها عزمت صديقتها المقربة. ما لحقت أنزل كل اللقطات هنا، كانت على السناب وإن شاء الله بنزلها قريب. وبعدها ليلى خذت وقتها تطلع وتحتفل مع الناس اللي تحبهم، وبعدها احتفلنا مرة ثانية مع عايلتي وجبنا كيكة. أما يوم ميلادها نفسه، صار له سنتين يصادف في رمضان، ولهذا ليلى تروح تفطر مع أبوها. ولو ما كان رمضان تروح تتغدى أو تتعشى معاه. ومن عمر ليلى 6 سنوات بدينا هالعادة، واليوم صارت ليلى 11 سنة 🤍 وكثير يسألوني عن أختها… أنا أحب أربي عيالي على العدل مب على المساواة. عادي الأخت تستوعب إن هذا يوم أختها وتعرف إن يومها بيي وبتعيش نفس اللحظات، والحمدلله بنتي كانت مستوعبة وفرحت لأختها وحضنتها، لأني مفهمتها إن دورها بيي في يوم ميلادها، لأن التواصل سر نجاح كل العلاقات 🫶🏻 والحمدلله هذا الشي يعلمهم يفرحون لبعض ويقدرون مشاعر بعض، وهذا الأهم عندي . وإن شاء الله لما تكمل هيا 6 سنوات بيي دورها تعيش نفس اللحظات بطريقتها♥️⁩⁩ بس الكبار أحيانًا من غير ما يحسون يحطون فكرة المقارنات ويسقطون تجاربهم الشخصية على الأطفال، مع إن الأطفال بطبيعتهم اجمل و أنقى و أبسط من هالتفكير⁩⁩⁩#الشعب_الصيني_ماله_حل😂😂 #نوف_العبد #اكسبلور #explore #ما_شاء_الله - @nouf_alabd