@aisha.alharbi95: * المقادير: - 200 غرام سكر أبيض (يعادل 1 كوب) * خليط الكراميل - 397 غرام حليب مكثف محلى (تقريباً علبة كبيرة ونص علبة صغيرة) - علبة حليب مبخر كبيرة (تجي 390 غرام) - 4 بيضات كاملة - 2 صفار بيض - زعفران - ربع ملعقة صغيرة هيل - ملعقة صغيرة ملح - ملعقة كبيرة ڤانيلا * خليط الكيك نلتزم بتعليمات الخليط الجاهز بس نستبدل: - مقدار الماء نستبدله بنص الكمية حليب + نص الكمية كريمة خفق - زبدة ذايبة بس نخليها تبرد شوي (بدل الزيت) - عدد البيض حسب المكتوب على كرتون الكيكة - حليب عشان نشرب الكيكة فيه بعد ما نطلعها من الفرن * الطريقة: - نبدأ بالسكر: نحط السكر على النار بدون تحريك نخليه يذوب ويتكرمل، نقدر بس نحركه شوي على الأخير. - نصب السكر في قالب الكيك، ونخليه يبرد. - ناخذ ملعقتين كبار من الحليب المبخر ونحط عليه الزعفران ونخليه يتنقع ١٠ دقايق - نخلط كل مكونات الكريم كراميل + منقوع الزعفران مع بعض ونخفق بهدوووء عشان ما يدخل هوا كثير ونصفيه في قالب الكيكة فوق السكر (ضروري نصفيه) - نخلط الكيك في صحن ثاني مع التعديلات اللي سويناها ونكب خليط الكيك فوق الكريم كراميل - نحط القالب في صينية فيها موية حارة (حمام مائي) - ندخلها الفرن على حرارة 350 فهرنهايت لمدة ٤٠ دقيقة (او الى ما يستوي الكيك عندكم ونقدر نتأكد بأننا نغرز عود بنص الكيك ويطلع نظيف). - نطلع الكيكة ونخليها بحرارة الغرفة حوالي ساعتين - بعدها نخرم الكيكة من فوق بشوكة ونسقيها بشوي حليب - بعدها ندخلها الثلاجة أقل شيء 6 ساعات أو ليلة كاملة - لمن نطلعها من الثلاجة نحط القالب في صينية فيها موية حارة لمدة دقيقتين الى 3 دقايق عشان يذوب السكر شوي. - نمرر سكينة على الأطراف لحد ما ينتهي حد الكيكة فقط ما ننزلها الى الكريم كراميل ونقلبها. وبالعافية 🤍 #كيك #وصفات #الشعب_الصيني_ماله_حل😂😂 #viral #fyp

Aisha AlHarbi

Open In TikTok:

Region: SA

Tuesday 10 March 2026 11:17:33 GMT