@birlikde_sinayaq: Şah plov resepti (Qazan ölçüsü: 24 sm diametr / 8 sm dərinlik) Lazım olan ərzaqlar: • 2.5 stəkan düyü • 200 qr kərə yağı • 3 ədəd soğan • 500 qr quzu və ya dana əti • Zövqə görə: qaysı, sarı kişmiş, alça turşusu və şabalıd • Duz, istiot • Sarıkök, zəfəran • 100 ml su (yarım su stəkanı) • 15 ədəd lavaş (2 alt, 12 yan, 1 üst üçün) • 100 ml duru yağ Hazırlanma qaydası: 1️⃣ Düyünü nişastası çıxana qədər yaxşıca yuyun və duzlu suda 1 saat isladın. 2️⃣ İçlik üçün əvvəlcə doğranmış soğanı qızılı rəng alana qədər qovurun və kənara götürün. 3️⃣ Eyni qazana əti əlavə edib qızarana qədər bişirin. 4️⃣ Soğanı yenidən qazana əlavə edin. Ardınca qaysı, sarı kişmiş, alça turşusu və şabalıdı qatıb 5 dəqiqə birlikdə qovurun. 5️⃣ Sarıkök, zəfəran, duz və istiotu əlavə edin. Üzərinə 100 ml su töküb qapağı bağlı şəkildə zəif odda suyu çəkilənə qədər bişirin. 6️⃣ Qazanın içini duru yağla yağlayın. Altına və kənarlarına yağlanmış lavaşları düzün. 7️⃣ Qaynayan duzlu suya düyünü əlavə edib yarıbişmiş vəziyyətə gələnə qədər bişirin və süzün. 8️⃣ Əvvəl qazanın dibinə bir qat düyü əlavə edin və üzərinə zəfəran səpin. Sonra ətli içliyi yerləşdirin. 9️⃣ Üzərinə yenidən düyü əlavə edin, zəfəran və kərə yağı qoyun. 🔟 Lavaşların uclarını ortada birləşdirib yağlayın və qapağı bağlı şəkildə 200°C sobada lavaşlar qızarana qədər təxminən 1.5-2 saat dəmə qoyun. ✨ Sonda şah plovu dilimləyərək süfrəyə servis edin. #plov #pilav #şahplov #çərşənbə #novruz

birlikde_sinayaq

Open In TikTok:

Region: AZ

Wednesday 11 March 2026 17:27:31 GMT