@m4797948: . اني الي عمري خلصته كله مدللهه وعايشه بخير هسه صرت خدامه انضف واشتغل وانضرب بدون ذنب ياهو الي يگوم يضربني ويذلني ولاكانو اني بشر حالي حالهم وگلبي الغبي عاف كل الزلم وحب واحد وحش وبدون رحمه وضميرر. اخخخخ هسه عرفت نفسي شلوون غبيه مجان بالي راح اتعلق بيه بيوم واغاار عليه كسر گلبي ليووم دمرني والله ياريتني مامخلوقه ولاصايره بهل دنيا تعبت والله تعبت. مسحت دموعي وهديت نفسي لازم اكون قويه لخاطر طفلي ماريدد يتحقق حلم ذياب هوه يريدد الطفل يموت حته يطلگني ويخليني خدامه عنده بس مستحيل اقبل يصير هل شي. نمت واني الف غصه بداخلي ساعه بـ 1 بليل صاار رعد قووي ومطر قوي كمزت واني خايفه سحبت الغطئ عليه واني ارجف حييل بردانه والسكف صاار ينكط علئ راسي المكان صاار كله ماي الغرفه الي عايشه بيها اني خارج البيت كله باب الحديقه الخلفي هيه موجوده. احس جسمي برد حييل حته الغطئ تبلل كمت حاولت اطلع وادخل للقصر ماگدرت المطر قووي حييل والرعد يوكف گلبي من الخوف. فتحت الباب دخل المطر اكثرر عليه سديته واني ارررجف من البرد اباوع حواليه المكان صاار عباره عن ماي ياربي شسوي هسه حته ملابسي تبللت طلعت من الغرفه صاار المطر ينزل علئ راسي بقوه حاولت افتح الباب ماكوو قافلينه ليششش ياربي ليش هل ضلم والحقد صرت ادك بالباب بقووه ارريدهم يفتحولي راح امووت من البرد جسمي كله يرجف والمطر ينزل علئ راسي فلشت الباب تفلش محد فتحلي. گلت اروح اگعد تحت المضلات الي بالحديقه بلكي الله ويفتحولي رحت وكفت تحتهم من المطر. اباوع علئ الباب واتحسر وادعي ربي يساعدني مرت ساعه كامله واني واكفه بالحديقه خف المطر اباوع علئ اديه صارن حمر من البرد بقيت افرك بيهن وحده بوحده وانفخ عليهم. رجعت للباب دكيته بقوووه اكبرر انفتح وجان يطلع بوجهي سند شافني بهل حاله سحبني بسرعه ودخلني جوه سند : شصايرر بيج انتِ شهل حاله _ءأ ني ءأ. سند ; يلعن يومج اكوو واحد صاحي يطلع بهل جو والمطر ادخلي راح للغرفه جاب منشفه وخلاها بيدي بقيت اباوع عليها واني ارجف من البرد.  سند ; نشفي راسج وروحي بدلي ملابسج لاتمرضين لاتبقين هل شكل. هزيت راسي بأي اخذتها منه عافني وراح هذه سند لو غيره شوو صايرر زين ومايسمعني كلام والله وكت صارو الي يضوجوني زينين والي يحبوني اشرار لا اني كم يوم واتخبل رسمي. نشفت راسي واني ارجف صعدت فوك ملابسي دخلت للغرفه الي جنت انام بيها عندي كم لبس بالكنتور اخذتهم وبدلت بس بعدني ارجف الفراش الي جان بالغرفه اخذته جوه هسه شلوون انام ياربي والله تعبت كعدت علئ سرير بدون لاغطئ ولافراش لميت رجليه علئ صدري واني ابچي علئ حالي علئ وضعي وين جنت وين صرت بقيت گاعده لاحد ماطلع الفجر ماغمضت عيني من البرد احس البروده دخلت بعضامي جسمي كله يرررجف مثل السعفه عيوني حمررر من البچي والسهر. اباوع علئ ساعه بـ 6 الصبح كلها نايمه ومرتاحه والضيم طايح علئ راس هوس مادري شوكت ارتاح من هل قهر. اريد اكوم ماگدر رجليه يرجفن وضعيفات صرت افرك باديه اريدد ادفه اسمع صوت مشي شويه وانفتح باب الغرفه جان ذياب لابس ومتعطر يريد يطلع لدوامه اعتقد بقه صافن علئ حالتي اني وجهي اصفررر وكل جسمي يرعش وسنوني صاكتهم من البرد. ذياب : انتِ شتسوين هنا ؟ شلت راسي عليه باوعت عليه وبچيت بصوت مسموع والله الي يشوف حالتي يتگطع گلبه موو بس ينكسر. _وين اروح ذياب وييين مخليني جوووه المطر ينزل علئ راسي ماگلت تموت شصاار بيها ليش هل حقد والضلم ليشش بس فهمني اني شنوو ذنبي ويصير كل هذه بيه شوووكت تحس علئ نفسك انتَ حرررراااام علييييك اني شمسووويتلك بقه واكف دقايق صافن بشكلي وضعي سحب نفس قوي عافني وطلع من الغرفه غمضت عيوني حييل واني العن گلبي الحب هيج واحد حقير ونذل وماعنده مشاعر شويه وانفتح الباب بيده غطئ شمره عليه وگال .. ذياب : بدلي ملابسج وتغطي زين لاتتمرضين شغلي التدفئه الي بالغرفه تلكين الريموت فوك الميز. بقيت ساكته عافني وطلع من الغرفه سحبت الغطه ولفيته علئ جسمي حسيت بدفو شويه غمضت عيوني ماكوو دقايق ونمت. مر اسبوع واني حالتي تسوء ماتتحسن اخلص ليلي كله مقهوره وضايجه من تصرفاتهم وياي. ذياب صاير الحجر لا زين الحجر موو مثله صايرر يكرهني كره مايشوفني بعينه حاقد عليه ويدور بس فرصه حته يذلني ويقهرني. والضيم الاكبرر اجتني وحده جديده كملتها عليه لارين اني مامخلصه من غنئ وعبير وكوثر تجيني هاي الثانيه وميس الي جنت احبهاا واعتبرها اختي صايرره ماتفرق شي عنهم تعاملني بحقد وكره وتفشلني كدام الي يسوه ومايسوه. يوم عرس حسام الكل عدهم ومخبوصين والضيم كله عليه اركض هيج ورجع هيج واحس رجليه صاارت خيوط. اباوع علئ البنات تجي كاشخه ومتعطره واني گاعده بالمطبخ البي طلباتهم عيني. حته كريمه احسن مني لابسه ومرتبه اني شكلي صدك شكل خدامه مبهذله وافشل كاعده بالمطبخ البنات تروح وترجع انطيني عصير انطيني هذا ويتمايعن عليه.

انا وانتِ

Open In TikTok:

Region: IQ

Wednesday 11 March 2026 21:52:54 GMT