@chaima.tyler: ⁨ ⁨ ⁨ ⁨ ديرو حفظ للوصفة راح تعتامدوها 👌⁩ المعلومات المهمة ⚠️: العجينة و الحشو تصلح كذلك للكعيكعات و العرايش . إذا لم يتوفر حليب بودرة يمكن تعويضه بالحليب السائل. في هذه الحالة نلمّ العجينة بـ نصف كيلة حليب ونصف كيلة ماء الزهر. وإذا لم يتوفر ماء الزهر أيضاً يمكن استعمال نصف كيلة حليب ونصف كيلة ماء مع عطر ماء الزهر. ⚠️⚠️ و كي قلت ما تخافوش من العجن مشي قصدي تدلكوها كيما المطلوع لالا و لكن اعطوها حقها تاع الماء و ما تبقاوش تتوسوسو بلي راكم عجنتو بزاف مادامها مخصوصة ما زيديلها بالشوي و ما تخافيش ⚠️⚠️ عندما تأخذ العجينة حقها من الماء لن تحتاجوا لترك الحبات ترتاح بعد تشكيلها، لأن شكلها لن يتغير. بالنسبة للحشو: نسيت نقولكم الكيلة نصها ماء و نصها ماء الزهر و اذا تحبو مبشور الليمون زيدوه كذلك المهم الحشو نكهوه كيما يعجبكم نتوما كيفاش تعرفو بلي وجد لازم يثقااال بزااف و عندما تمررون السباتولا في الوسط يرجع الحشو إلى مكانه ببطء وليس بسرعة. وإذا حضّرتم الحشو وتركتموه يبرد (ساعة أو ساعتين في الثلاجة) ووجدتم أنه ما زال سائلاً يعنيماشي متماسك كيما وريتكم خاطر قادرة تتلفلكم مع انوكل شيء راه واضح يحتاج تركيز فقط ، لا مشكلة. أعيدوه مرة أخرى فوق النار مع التحريك حتى تتبخر قليلاً من السوائل ويثقل، ثم اتركوه يبرد وبعدها يمكنكم العمل به بشكل عادي. الحشو ما تزربوش عليه و طفيو النار خلووه ياخذ وقتو صح ممكن يطول شوي و لكن صدقوني النتيجة جد جد مرضية ليكم و لزباينكم . و بالنسبة لطريقة الطهي الصحيحة تسخنو الفرن على 200درجة و دخلو التشاراك النار تكون شاعلة غير من الاسفل و تحطو الصينية فالرف الوسط احسبولو ربع ساعة و اذا تعرفي الفرن تاعك بارد ما يسخنش مليح قوي النار حتى ل 230 ما تخافيش . بعد ما تفوت ربع ساعة شعليلو من الاعلى على 180 درجة خليه وحد خمس دقايق ولا سبعة دقايق و خرجيه و كل وحدة تعرف للفرن تاعها افضل ردو بالكم تطيبوه فصينية جديدة خاصة صينيات الالمنيوم راهم كي يكونو جداد لازم نحرقوهم عااد نبداو نطيبو فيهم . و بالنسبة لكيفاش نحتفظ بيه حتى للعيد لأنو باقي اكثر من 10 ايام ندير الحبات تع التشاراك بدوون تسكار (بلا ما تسكروه ) و اكييد بلا ما تغطسوه فالشارباات ولا السيرو .. نديرو فعلبة محكمة الاغلاق حافظة اكل او بيدون زيتون كيما كانو يديرو امهاتنا زماان 😆 و ديري مالاسفل بابي مشوار بش يمتص الرطوبة و من الأعلى تاني و نحطو فالمجمد حتى للعيد نخرجو كامل و نسكرو على ضربة و اصلا يكمل فهادوك الثلاث أيام الأولى إن شاء الله يكون الشرح واضح⁩⁩

chaima.tyler

Open In TikTok:

Region: DZ

Friday 13 March 2026 17:00:44 GMT