@hallaarabi: ⁨ ⁨ بتعرفي كل شي، مو هيك؟ قرأتي عشرات الكتب ومتابعة أهم الحسابات. بس الحقيقة إنو قد ما حكولك "حبي حالك"، هاد الكلام ما بكفي إذا ما عرفتي تقرئي شعورك باللحظة. الموضوع بيبدأ من هي القرارات الصغيرة اللي بنعملها باللاوعي: • هل عملتِ هاد الشي من طيب خاطر، ولا كان في ضغط عليكي؟ • هل وافقتِ لأنك بدك، ولا خايفة من مواجهة ناس أو مشاعر ما بدك ياها، أو تفادياً لـ "قلبة وجه" فلان وعلان؟ لسنين، كنت أعمل شغلات بشكل تلقائي بس لحتى ما اسمع كلمة ما تعجبني. كنت اتجاهل إحساسي الصادق كرمال "أحمي حالي" من موقف مزعج. اكتشفت إنو هي التفاصيل الصغيرة هي اللي كانت عم تقلل حبي وتقديري لذاتي بالتدريج. إحساسك أحياناً بكون أصدق من ألف كتاب. حب الذات هو "مهارة" ما في كتاب بالعالم بيقدر يعلمك ياها. هو متل السباحة؛ قد ما شفتِ فيديوهات وتابعتِ أولمبياد، بعمرك ما رح تعرفي تسبحي إذا ما نزلتي بالمي وجربتي بجسمك. حب حالك بيبدأ لما توقفي "تسايري" على حساب راحتك، ولما تعطي قيمة لصوتك الداخلي اللي عم يقلك "لأ" حتى لو الكل عم ينتظر منك "إي".⁩⁩

Hala Arabi

Open In TikTok:

Region: DK

Friday 13 March 2026 21:44:04 GMT