@e.x249: #الاعتذار الاعتذار ما معناتو إنك ضعيف ولا معناتو إنك كسرت هيبتك بالعكس، معناتو إنو قلبك كبير وحبك أصدق من أي كبرياء وإنك شايف إن الشخص أهم من أي شعور بالعناد أو المكابرة. في الحب، كلمة "سامحني مرات بتكون زي المطر بعد صيف طويل بترطب القلوب العطشانه وبتغسل الغبار من العشرة وبتفتح شبابيك الأمل من جديد بعد ما كانت مقفولة بالزعل. أحياناً الاعتذار ما بيكون بس عن الغلط الحصل لكن عن لحظات الوجعه، وعن الكلام الاتقال بحدة وعن الصمت الكان قاسي أكثر من أي كلمة وعن المسافة البينا اللي كبرت فجأة. الزول البعتذر بيقول من جوة قلبو " أنا غلطت، لكنك إنت فوق الغلط ما قادر أخسرك، وما داير يوم أصحى وما ألقاك ". الاعتذار في العشرة بيرجع الونس الحلو وبيخلي العيون تتلاقى بدمعة وفرحة في نفس اللحظة وبيخلق إحساس إنو الصفحة اتفتحت من جديد صفحة بيضا ما فيها إلا المحبة والنية الطيبة. وعشان كده ، في العلاقة الحقيقية الاعتذار ما بينقص من قيمتك هو أكبر برهان إنو قلبك لسه بيخفق عشان الطرف الثاني وإنو الحب عندك أهم من أي حاجة تانية في الدنيا.

E.X🧞

Open In TikTok:

Region: SD

Saturday 14 March 2026 03:42:02 GMT