@nationalmuseumkz: Қазақстан Республикасының Қазақстан Республикасының Ұлттық музейі ұжымы «Наурызнама» онкүндігі аясындағы «Қайырымдылық күніне» орай мұқтаж отбасыларға қолдау көрсетіп, игі іске ұйытқы болды. 🤲✨ Музей қызметкерлері алдымен бес баланы тәрбиелеп отырған отбасының шаңырағына барды. Пәтер жалдап тұратын бұл отбасында анасы балаларын бағып-қағып, күнделікті еңбегімен олардың қажеттілігін өтеуге тырысып келеді. Балаларының үлкендері мектепте білім алса, кішілері үйде тәрбиеленуде. 👩👧👦🏡 Келесі әулет – төрт баланы өсіріп отырған ана. Отбасындағы кенже ұл ерекше күтімді қажет етеді. Шаһардың шеткі аудандарының бірінде шағын баспананы паналап отырған отбасы балалардың қамын жасап, қарапайым тұрмыс кешіп келеді. 💙👨👩👧👦 Ұлттық музей ұжымы екі отбасына да азық-түлік себеттерін табыстап, жылы лебіздерін білдірді. 🧺🍞🥛 Бұл игі бастама – Наурыз мейрамының мейірім мен жанашырлықты дәріптейтін рухани мәнін айқындай түскен қайырымды іс болды. 🤲🌿💚
