@shanheraldagencyfornews: ၵူၼ်းၼုမ်ႇႁဵၼ်းဢမ်ႇထိုင်တီႈ ၶၢတ်ႇတၢင်းႁူႉၵႅမ်တူဝ် ၸၢင်ႈႁၢမ်းၽူႈဢွၼ်ႁူဝ်မိူဝ်းၼႃႈ ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း ပၢႆးပၺ်ႇၺႃႇဢၼ်ဝႃႈၼႆႉ ပေႃးဢဝ်ၾိင်ႈၵူၼ်းပၢၼ်မႂ်ႇဝႃႈ မၼ်းပဵၼ်သုၼ်ႇၶိုၵ်ႉတွၼ်းလူင်ဢၼ်ၼိုင်ႈ ဢၼ်ၵူၼ်းၵူႈၵေႃႉတၵ်းတေလႆႈႁပ်ႉ ။ ဝႃႈၼၼ်သေတႃႉ မိူင်းႁူမ်ႈတုမ်မၢၼ်ႈသမ်ႉ ၵၢၼ်မိူင်း ၵၢၼ်သိုၵ်းပဵၼ် ယႂ်ႇဝႆႉၵူၺ်းလႄႈ တႃႇပူၵ်းပွင်ၾၢႆႇပၢႆးပၺ်ႇၺႃႇသမ်ႉယူပ်ႈယွမ်းႁႅင်း ။ ၸိူ ဝ်းပဵၼ်ပေႃႈမႄႈလုၵ်ႈဢွၼ်ႇတႄႉ ၶႂ်ႈႁႂ်ႈလုၵ်ႈလၢင်းၸဝ်ႈၵဝ်ႇႁဵၼ်းသွၼ်ၶိုတ်းၸၼ်ႉၶိုၼ်းၵၢပ်ႈသေတႃႉ ငဝ်းလၢႆးဢမ်ႇပၼ် ။ ၸိူဝ်းတိုၵ်ႉမီးသုၼ်ႇႁဵၼ်း ၵေႃႈ ဝၢၼ်ႈမိူင်းယုင်ႈလႄႈ ဢမ်ႇႁူႉယိူင်းမၢႆၸဝ်ႈၵဝ်ႇတႅၵ်ႇလႅင်းသေ ႁဵၼ်းပႆႇတၼ်းထိုင်တီႈ ယွမ်းၵၢၼ်ႉပႅတ်ႈၵေႃႈမီး ။ ၸင်ႇၼၼ် ဢမ်ႇဝႃႈမိူင်းတႆး ဢမ်ႇဝႃႈမိူင်းႁူမ်ႈတုမ်ပတ်းပိုၼ်ႉ တႃႇမီးမႃးၽူႈဢွၼ်ႁူဝ်လီၼႂ်းၵူႈတူင်ႇတၢင်ႇၼၼ်ႉ ႁူဝ်ၼပ်ႉမၼ်းဢေႇမႃး ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။ #Podcast #shannews