@ufr_tz: Jeshi la Polisi Mkoa wa Tabora linamshikilia Kange Thabiti (45), mkazi wa Kiloleni mkoani Tabora, kwa tuhuma za kujaribu kufanya utapeli kwa baadhi ya viongozi wa mkoa huo kwa njia ya simu. Akizungumza na waandishi wa habari ofisini kwake leo machi 16, 2026 Mkuu wa Mkoa wa Tabora Paul Chacha amesema mtuhumiwa huyo alijaribu kumtapeli kwa kujitambulisha kuwa yeye ni Waziri wa Afya, Mhe. Mohamed Mchengerwa, akidai anahitaji mchango kwa ajili ya harusi ya binti yake. RC Chacha ameeleza kuwa baada ya kupokea ujumbe huo aliamua kuwasiliana moja kwa moja na Waziri Mchengerwa ili kuthibitisha taarifa hizo. Baada ya kufanya mawasiliano, Waziri Mchengerwa alikanusha kuhusika na ujumbe huo na kuagiza mtuhumiwa huyo atafutwe na kukamatwa mara moja. Aidha, Chacha amesema mtuhumiwa huyo amekuwa akitumia laini zaidi ya moja za simu kufanya jaribio la utapeli kwa viongozi mbalimbali mkoani Tabora. Kwa mujibu wa RC Chacha, mtuhumiwa anatarajiwa kufikishwa mahakamani kesho Machi 17, 2026, kujibu tuhuma zinazomkabili. 📻 Sikiliza Uyui FM Radio popote ulipo duniani, bofya kiungo (link) kwenye bio yetu. #2026Fanikisha #tunasambazaunyamwezi #Fanikisha #radioyetusautiyetu

Uyui FM Radio

Open In TikTok:

Region: TZ

Monday 16 March 2026 16:16:37 GMT