@gatl5_5: عصفورةً يركع عقب زينها الزين يسرق نظرها غفلتي وانتباهي جميلةٍ جدا ما جملتها الفساتين من زينها ملبوسها دوم زاهي رمشه مثل حدب السيوف المسانين من صابته راحت ضلوعه ملاهي لا يابعد زولي هاك الزول و العين زولٍ على عرش الجمال متباهي" لكنها عين الحقيقه وتدرين هاك الكلام اللي من الصدق راهي ركضت في غي الهوى قبل تأتين ماشفت مثلك بالتواصيف ناهي قبل ابدي اللي في خفوقي تعرفين فحوى كلامي قبل ينطقه فاهي وليا زعلت تداعبيني بحرفين تنسيني اصحابي ومالي وجاهي نار الحشى تطفي عقب ما تطلين لو انها قبلك تقل نار طاهي لذه كلامك في حشى موجس البين تدخل مثل ما يدخل إلسهو ساهي وان قلت ابي شربة عسل تبتسم لين يطغى جماله والجمال متناهي اقرى تعابير الحشى بالحجاجين كنه تقول إن العسل في شفاهي حمرة غروب وجمرتين بالشفاتين ونحر يشابه مطلع الشمس باهي ويشدني خصر تقل رسم قوسين لو كل قوس يغير الاتجاهي وان قصر التوصيف لازم تعذرين لقيت شي ماخبر له مضاهي الزول والمنطوق والخد والعين شي يخلي كامل العقل فاهي وان قلت وين علاجي اللي تخبرين ثم ادمجت حكي الغنج بالتباهي تراء كمال العقل في ذالك الحين أنه يروح ويعتريك السفاهي ياوسع عذرك عند ناس فهيمين وأما الشياه اجلك الله شياهي حكم الهوى نوخ طغاة السلاطين ومكره تعدا مكر الأربع دواهي #نجم_الاسلمي #حايل #شعر #خالد_عون #اكسبلور

𝐀𝐁𝐔_𝐅𝐀𝐓𝐢𝐌𝐀🪐

Open In TikTok:

Region: SA

Monday 16 March 2026 22:38:58 GMT