عيدكم مبارك وكل عام وانتوا بالف خير 🎉🎊🩷 الله يتقبل منا ومنكم الصيام والقيام وصالح الأعمال، ويجعلنا من المقبولين ويعيده علينا وعليكم بالخير والبركة🙏🏼 نختم رمضان بوصفة سناك لذيذذ ورهيب وماراح تشبعون منها بتاكلونه حبه ورا حبه ، استخدمت بالوصفه هذه اعشاش المكرونه من بيرفيتو @perfettopasta1 - اعشاش الباستا باللحم والجبن الطريقة: اول شي في طاوه على النار حطيت شوية زيت زيتون وشوحت البصل مع الثوم والفلفل الاخضر البارد. اضفت اللحم المفروم وخلطت لين استوت اللحمه. اضفت جزر مقطع مكعبات صغيره وحركتهم كويس مع اللحم، ثم اضفت البهارات: بابريكا، بهارات ايطاليه، ملح، فلفل اسود، ورشة كمون وخلطت كل شي مع بعض. اضفت صوص مكرونه جاهز بالريحان مع شوية موية وخلطت كويس، ثم حطيت شوية كاتشب وخليت الصوص يتسبك لين يصير قوامه حلو. طفيت النار وخليته على جنب. في موية مغليه سلقت مكرونة الاعشاش vermicelli من بيرفيتو لمدة حوالي 4 دقايق بس، ثم طلعتها من الموية وخليتها على جنب. اخذت قالب الكب كيك او المافن وحطيت في كل فتحه شوية زيت زيتون، ورشيت كمية حلوه من جبن البارميزان في القاع. حطيت حبة من اعشاش المكرونه في كل فتحه، واضفت فوقها من صوص المكرونه اللي سويته، واخر شي حطيت جبن موزاريلا. دخلتها الفرن على حرارة 180 درجه لمدة 15-20 دقيقه لين تتحمر المكرونه شوي من تحت ويذوب الجبن. طلعتها من الفرن وخليتها تبرد شوي، ثم طلعت الاعشاش من القالب وقدمتها مع شوية من صوص المكرونه اللي بقى . وعليكم بالف عافيه 🩷 - اعلان ⭐️⭐️⭐️ - @noor3_33