ရှူးရှူးရှဲရှဲနဲ့ ထမင်းအရမ်းမြိန်တဲ့ ရခိုင်စတိုင်အမဲသားအစပ်ချက်လေး ချက်စားရအောင်နော် အမဲသားကို အမွှေးအကြိုင်အစုံအလင်နဲ့ဆီပြန်ချက်စားရတာ ရိုးလာပြီဆိုရင်တော့ ဒီနည်းလေးက တစ်မျိုးဆန်းပြီး တော်တော်စားလို့ကောင်းတာမို့ စမ်းချက်ကြည့်ပါရှင် ရခိုင်စတိုင်က ကြက်သွန်နီကို ပါးပါးလှီးပြီး မွှေးလာတဲ့အထိ ဆီခဏသတ်ပြီးမှ ကြက်သွန်ဖြူ၊ ဂျင်း၊ ငရုတ်ကောင်း၊ ငပိနဲ့ ဆားလေးထောင်းထားတာကို ထည့်ပြီးဆီသတ်ချက်ရတဲ့ပုံစံလေးပါရှင် ရခိုင်ချက်မှာတော့ နောက်ဆုံးမှာ ငရုတ်သီးစိမ်းမအုပ်ပဲ ရှမ်းနံနံ၊ ရှောက်ရွက်၊ ပင်စိမ်း၊ နံနံပင်တစ်မျိုးမျိုးကို အုပ်ပါတယ် Em ကတော့ ဝယ်ရလွယ်တဲ့ နံနံပင်လဲအုပ်ပြီး ပိုစပ်စပ်လေးစားချင်တာမို့ အိုးချခါနီးမှာ ငရုတ်သီးစိမ်းကို ခပ်ကြမ်းကြမ်းလေးထောင်းထည့်တာပါ ဒီလိုလုပ်တာလေးကို ရခိုင်ထမင်းဆိုင်တစ်ခုမှာ ချက်တာလေးတွေ့ဖူးလို့ပါရှင် ငရုတ်သီးစိမ်းလေးအုပ်လိုက်ရင် ပိုပြီးကို စားလို့ကောင်းပါတယ် နောက်ပြီးရခိုင်ချက်က အမဲသားကို ခပ်ပါးပါးလှီးချက်ပါတယ် အဲ့တော့ပိုပြီးကျက်တာမြန်ပါတယ်ရှင် Em ကတော့ အတုံးကြီးကြီးကြိုက်လို့ အတုံးကြီးကြီးတုံးပြီးပဲ ချက်ထားပါတယ်နော် အဆင်ပြေသလိုလေးတုံးပါနော် ပါဝင်ပစ္စည်းများ - အရသာနယ်ရန် - အမဲသား - ၁ကီလိုခန့် ဆနွင်း - အနည်းငယ် ဆား - လက်ဖက်စားဇွန် ၂ ဇွန်း ကြက်သားမှုန့် - လက်ဖက်စားဇွန် ၁ ဇွန်း ဟင်းအနှစ် - ငရုတ်သီးခြောက် - ၁၅ တောင့်ခန့် (ငရုတ်သီးတောင့်မရှိရင် ငရုတ်သီးခွဲခြမ်းလဲသုံးလို့ရပါတယ် တူတူပါပဲနော် ရေမစိမ်ဘဲတန်းကျိတ်ပါရှင်) ကြက်သွန်နီအကြီး - ၂လုံး ကြက်သွန်ဖြူ - ၁ ဥ ဂျင်း - လက် ၂ ဆစ်ခန့် ငရုတ်ကောင်းစေ့ (သို့) ငရုတ်ကောင်းမှုန့် - လက်ဖက်စားဇွန်း ၁ ဇွန်းခန့် (တစ်ဝက်လောက်ပဲထည့်လဲရပါတယ်) ငပိ - ထမင်းစားဇွန် ၁ ဇွန်း မရှိတရှိ ဆား - လက်ဖက်စားဇွန်း ၁ ဇွန်း ဟင်းချက်ရင်းထည့်ရန် - ကြက်သားမှုန့် - လက်ဖက်စားဇွန်း ၁ ဇွန်း ဆား - လက်ဖက်စားဇွန်း ၁ ဇွန်း နံနံပင် - အနည်းငယ် ငရုတ်သီးစိမ်း - ၉ - ၁၀ တောင့်ခန့် #အမဲသားအစပ်ချက် #အမဲသားချက် #myanmartiktok - @ketchupwithemily