🌞 "ဒါက အဖေမဆုံးခင် အဖေနဲ့အတူတူ နောက်ဆုံးရိုက်ခဲ့တဲ့ပုံလို့ ပြောလို့ရတယ်။ အဲဒီတုန်းက ဒီလိုဖြစ်လာမယ်လို့ လုံးဝမထင်ထားခဲ့ဘူး။ COVID ကာလတုန်းက ကျွန်တော် ထိုင်းမှာရှိသမျှ အရာအားလုံးကို စွန့်လွှတ်ပြီး survival show ပြိုင်ပွဲဝင်ဖို့ တရုတ်ကို သွားခဲ့တယ်။ ဒါပေမဲ့ ကပ်ရောဂါကြောင့် ရိုက်ကူးရေးတွေ ရပ်နားလိုက်ရတော့ ကျွန်တော့်ဘဏ်အကောင့်ထဲမှာ ဘတ် ၅၀,၀၀၀ ပဲ ကျန်တော့တယ်၊ အဲဒါ ကျွန်တော့်မှာရှိသမျှ အကုန်ပဲ။ ထိုင်းကို ပြန်ရောက်တော့ ဘာလုပ်ရမှန်းမသိ၊ ဘယ်သွားရမှန်းမသိဘဲ လမ်းပျောက်နေခဲ့တယ်။ COVID ကြောင့် သရုပ်ဆောင်တာ၊ သီချင်းဆိုတာ အရာအားလုံးက ရှေ့ဆက်မရဘဲ ရပ်တန့်နေခဲ့တယ်။ အဲဒီနောက် မကြာခင်မှာပဲ အဖေဆုံးသွားခဲ့တယ်။ အခုဆို အဖေဆုံးတာ ၆ နှစ်လောက် ရှိသွားပြီ။" 🌞 "ဒီပုံကို ရွေးရတဲ့အကြောင်းရင်းက ဒါဟာ ကျွန်တော့်ဘဝရဲ့ တကယ့်ကို အချိုးအကွေ့တစ်ခု ဖြစ်ခဲ့လို့ပါ။ အရာအားလုံးက ပေါက်ကွဲပျက်စီးသွားသလိုပဲ၊ ဘာထွက်ပေါက်မှမရှိဘဲ လမ်းပိတ်နေခဲ့တယ်။ အဲဒါကြောင့် ရှင်သန်ဖို့အတွက် ကျွန်တော် တတ်နိုင်သမျှ အရာအားလုံးကို ရုန်းကန်ခဲ့ရတယ်။ ကျွန်တော်တစ်ယောက်တည်းတင် မဟုတ်ဘူး၊ ကျွန်တော့်မိသားစုအတွက်ပါ ရုန်းကန်ခဲ့ရတာ။ ကျွန်တော့်မှာ အမေရယ်၊ တူရကီမှာရှိတဲ့ ညီမသုံးယောက်နဲ့ မောင်လေးတွေ ရှိသေးတယ်။ ဒါကြောင့် ကျွန်တော့်လူတွေ ရှင်သန်နိုင်ဖို့ ကျွန်တော် အကုန်လုပ်ခဲ့ရတယ်။ ဘဝရဲ့ တံခါးတိုင်းက အကုန်ပိတ်သွားသလို ခံစားခဲ့ရတယ်။ ဒါကြောင့် တံခါးအသစ်တွေကို ရှာဖွေဖို့ကလွဲလို့ ကျွန်တော့်မှာ ရွေးချယ်စရာ မရှိတော့ဘူး။ ကံကောင်းထောက်မစွာပဲ COVID ကာလအတွင်းမှာ တံခါးအသစ်တွေ အများကြီး ပွင့်လာခဲ့ပါတယ်။" 🌞 "တကယ်တော့ အဲဒီတံခါးတွေ မပွင့်ခင်အချိန်မှာ 'ငါရွေးချယ်ထားတဲ့ လမ်းက မှားနေပြီလား' လို့ တွေးမိခဲ့လားဆိုတော့... မတွေးခဲ့ပါဘူး၊ လုံးဝပဲ။ ဒီလမ်းက ကျွန်တော် အတော်ဆုံးလမ်းဖြစ်သလို ကျွန်တော် အချစ်ဆုံးလမ်းလို့ပဲ ခံစားခဲ့ရတယ်။ ဒီနယ်ပယ်ထဲမှာ ရှိနေရတဲ့ ခံစားချက်ကို ကျွန်တော် ကြုံဖူးနေပြီလေ၊ ပြီးတော့ တကယ်လည်း သဘောကျတယ်။ ကခုန်တာ၊ သရုပ်ဆောင်တာ၊ နိုင်ငံတကာက fan meeting တွေ သွားတာ... အဲဒါတွေက ကျွန်တော့်ကို ဘယ်လိုခံစားရစေသလဲဆိုတော့ စင်ပေါ်ကို တစ်ခါရောက်ပြီးရင် နောက်ထပ် ထပ်ရောက်ချင်နေမိတော့တာပဲ။ အဲဒီစင်မြင့်ကို၊ ပရိသတ်တွေရဲ့ အော်ဟစ်အားပေးသံတွေကို၊ fan တွေနဲ့အတူတူ သီချင်းဆိုရတာတွေကို ကျွန်တော် တမ်းတနေမိတယ်။ အဲဒီခံစားချက်က ဘာနဲ့မှ နှိုင်းလို့မရအောင် ထူးခြားတယ်။ သူတို့ရဲ့ အသံတွေကို ကြားရတာက တကယ်ကို ဖော်ပြလို့မရတဲ့ ခံစားချက်ပါ။ အဲဒီတုန်းက ကျွန်တော် လိုချင်ခဲ့တာက... အတိအကျကြီးတော့ မပြောတတ်ဘူး၊ ဒါပေမဲ့ စင်ပေါ်မှာ ကျွန်တော် သီချင်းဆိုနေတာကို မြင်ချင်တယ်၊ လူတွေကလည်း ကျွန်တော်နဲ့အတူ လိုက်ဆိုနေကြတာမျိုးပေါ့။ အဲဒီခံစားချက်ကို ကျွန်တော် တကယ်ချစ်မြတ်နိုးမှန်း သိလိုက်ရတယ်။ အဲဒါကြောင့်ပဲ ဒါဟာ ကျွန်တော့်လမ်းပဲလို့ ကျွန်တော် သိခဲ့တာပါ။" 🌞 "ဘာလို့လဲဆိုတော့ ငယ်ငယ်တုန်းက ကျွန်တော် ရေချိုးခန်းထဲမှာ သီချင်းဆိုရတာ သိပ်ဝါသနာပါခဲ့တာ။ အဲဒီတုန်းက အဖေက အိမ်မှာ တစ်ဦးတည်းသောသူပဲ၊ ရေချိုးခန်းတံခါးကို လာခေါက်ပြီး 'သီချင်းဆိုတာ ရပ်တော့၊ တစ်ရပ်ကွက်လုံး ကြားနေရပြီ' လို့ ပြောတတ်တဲ့သူလေ။" 🌞 "ဒါက Eason Blue မှာ နေတုန်းကပေါ့။ အခြေခံအားဖြင့် အဲဒီအိမ်က ရေချိုးခန်းတွေက ဆက်နေတာ။ မိသားစု တိုက်ခန်းလိုမျိုးပေါ့၊ အပေါ်ထပ်မှာက အမျိုးတွေနေတယ်၊ အောက်ထပ်မှာက နောက်အမျိုးတွေ၊ ကျွန်တော်တို့က အလယ်ထပ်မှာ။ ဒါကြောင့် ဘာသံပဲထွက်ထွက် အကုန်ကြားနေရတာ။ အဖေက ကျွန်တော့်အသံက အိမ်နီးနားချင်းတွေကို အနှောင့်အယှက်ဖြစ်မှာ စိုးရိမ်လို့ ရေချိုးခန်းထဲမှာပဲဖြစ်ဖြစ်၊ ကိုယ့်အခန်းထဲမှာပဲဖြစ်ဖြစ် သီချင်းဆိုခွင့် သိပ်မပေးဘူး။ အဲဒီတော့ ကျွန်တော် ကျောင်းရောက်မှ သီချင်းသွားဆိုရတယ်။ ရိုးရိုးလေးပြောရရင် သီချင်းဆိုတဲ့ကိစ္စမှာ အဖေက ကျွန်တော့်ကို သိပ်ပြီး အားမပေးခဲ့ဘူး။ ဒီကလေးက ဘာဖြစ်လာမလဲ၊ သီချင်းဆိုတာက ဘယ်အထိ ရောက်သွားနိုင်မလဲဆိုတာကို သူ မမြင်ခဲ့ဘူးလေ။ အမှန်အတိုင်းပြောရရင် အဲဒီတုန်းက ကျွန်တော်ကိုယ်တိုင်လည်း မမြင်ခဲ့ပါဘူး၊ တစ်နေ့မှာ ကျွန်တော် ဒီလောက်အများကြီး သီချင်းဆိုခွင့်ရမယ်လို့ ဘယ်တုန်းကမှ မတွေးခဲ့ဖူးဘူး။" : အခုတော့ မင်းက fan concert တောင် လုပ်တော့မယ်၊ မင်းရဲ့ စွမ်းဆောင်ရည်တွေကို အပြည့်အဝ ပြသခွင့်ရပြီး သီချင်းတွေ ဆိုရတော့မယ်ဆိုတော့... မင်းအဖေလည်း တစ်နေရာရာကနေ မြင်နေလောက်မှာပါနော်? 🌞 "ဒါပေမဲ့ နောက်ဆုံးမှာတော့ သူ မမြင်သွားရဘူး။ ဖြစ်နိုင်တာကတော့... သူ ကောင်းကင်ပေါ်ကနေ နားထောင်နေမှာပါ..." ///ဘ၀ မှာအကောင်းမွန်ဆုံးရေစက်တစ်ခုရှာဖွေခြင်းမရှိဘဲရောက်လာတဲ့ ရေစက်တခုက ဒီလိုကံကောင်းခြင်းတွေရှိတဲ့ အများကြီးလေးစားအတူယူရတဲ့ အကိုတစ်ယောက် အဖေတစ်ယောက်လိုမျိုး အမျိုးသားကိုတွေ့ခဲ့တာဘဲ😭 .. #joongarchen #archenaydin - @vrian_rcj