@melyit5: ပါချုပ်ဆရာတော်ကြီး ဟောကြားတော်မူသော ဘေးကင်းလုံခြုံရေး "အဋ္ဌာနမေတံ" ဂါထာတော်မြတ် ဘေးအန္တရာယ်နဲ့ အခက်အခဲတွေကြားမှာ စိတ်အေးချမ်းမှုရရှိဖို့နဲ့ ဘေးကင်းလုံခြုံစေဖို့အတွက် ပါချုပ်ဆရာတော်ဘုရားကြီး လမ်းညွှန်ဟောကြားထားတဲ့ “အဋ္ဌာနမေတံ ဂါထာတော်” ကို မျှဝေပေးလိုက်ပါတယ်။ 🙏 ဒီဂါထာတော်ရဲ့ ထူးခြားချက် ဘုရားရှင်ကို ဘယ်သူကမှ အသက်အန္တရာယ် မပြုနိုင်ဘူးဆိုတဲ့ "မဖောက်ပြန်တဲ့ သစ္စာတရား" ကို အခြေခံထားတာကြောင့် ဘေးအန္တရာယ်၊ ရန်သူနဲ့ အနှောင့်အယှက်တွေကနေ ကင်းဝေးစေတယ်လို့ ဆရာတော်ကြီးက မိန့်ကြားထားပါတယ်။ အဌာနမေတံ ဂါထာတော် --- 📿 ဂါထာတော် ပါဠိတော် အဋ္ဌာနမေတံ ဘိက္ခဝေ အနုဝကာသော၊ ယံ ပရူပက္ကမေန တထာဂတံ ဇီဝိတာ ဝေါရောပေယျ အနုပက္ကမေန ဘိက္ခဝေ တထာဂတာ ပရိနိဗ္ဗာယန္တိ ဧတေန သစ္စဝဇ္ဇေန သောတ္ထိ မေ(တေ) ဟောတု သဗ္ဗဒါ။ --- ပါဠိအသံထွက် အတ်ထာနမေတံ ဘိတ်ခဝေ အနဝကာသော ယံ ပရူပက်ကမေန တထာဂတံ ဇီဝိတာ ဝေါရောပေယျ အနုပက်ကမေန ဘိတ်ခဝေ တထာဂတာ ပရိနိတ်ဗာယန်တိ အေတေန သစ်စဝတ်ဇေန သွတ်ထိ မေ(တေ) ဟောတု သဗ်ဗဒါ။ --- 📖 အနက်အဓိပ္ပါယ် ဘုရားရှင်တို့မည်သည် သူတစ်ပါးတို့၏ လုံ့လပယောဂဖြင့် အသက်ကို သေစေခြင်းငှာ မတတ်နိုင်။ အချိန်တန်မှသာ အလိုအလျောက် ပရိနိဗ္ဗာန် စံတော်မူကြသည်။ ဤမှန်ကန်သော သစ္စာစကားကြောင့် အကျွန်ုပ်(သို့)သူတစ်ပါးအား ချမ်းသာစီးပွား ဖြစ်ပါစေသတည်း။ --- ဒီဂါထာတော်ဟာ ဘုရားရှင်ရဲ့ သစ္စာတော်ကို အခြေခံထားတာကြောင့် – 🛡️ ဘေးအန္တရာယ်များမှ ကင်းဝေးစေနိုင် 😌 စိတ်အေးချမ်းမှု ရရှိစေ 🌱 အခက်အခဲများ ချောမွေ့စေ တို့ကို ရရှိစေနိုင်တယ်လို့ ယုံကြည်ကြပါတယ်။ --- 📿 ရွတ်ဖတ်နည်း 📌 ဘုရားရှင်ရဲ့ ဂုဏ်တော်ကို အာရုံပြုပြီး ကြည်ညိုစိတ်နဲ့ ရွတ်ဆိုပါ။ 📌 နေ့စဉ် ပုံမှန်ရွတ်ဆိုနိုင်ပါတယ်။ 📌 အခက်အခဲကြီးများရှိရင် (၁၀၈) ခေါက် ရွတ်ဆိုပါ။ --- 🙏 ဆုတောင်းနည်း ရွတ်ဖတ်ပြီးပါက အောက်ပါအတိုင်း သစ္စာဆိုပါ။ အကျွန်ုပ်သည် အဌာနမေတံ ဂါထာတော်ကို ရွတ်ဖတ်ပွားများပြီးပါပြီ။ဤစကားသည် မှန်ပါ၏။ ဤမှန်သော သစ္စာစကားကြောင့်လည်းကောင်း၊ ဤမှန်သော သစ္စာ၏ တန်ခိုးကြောင့်လည်းကောင်း၊ အဌာနမေတံ ဂါထာတော်၏ တန်ခိုးကြောင့်လည်းကောင်း၊ရွတ်ဖတ်ပွားများရသော ကုသိုလ်ကောင်းမှုကြောင့်လည်းကောင်း၊ဂါထာတော်ကို စောင့်ရှောက်သော နတ်များ၏ တန်ခိုးကြောင့်လည်းကောင်း၊ဂါထာတော်ကို လာရောက်နာယူသော နတ်များ၏ တန်ခိုးကြောင့်လည်းကောင်း၊ ယနေ့ ပြုခဲ့သော ကုသိုလ်ကောင်းမှု အစုစုတို့၏ တန်ခိုးတေဇော အာနုဘော်အရှိန်အဝါကြောင့်လည်းကောင်း၊ ( လိုအပ်သောဆုကိုတောင်းပါ ) 🙏 🙏 --- 🔸 မိမိအတွက် → သောတ္ထိ မေ ဟောတု သဗ္ဗဒါ 🔸 သူတစ်ပါးအတွက် → သောတ္ထိ တေ ဟောတု သဗ္ဗဒါ --- * ဗီဒီယိုထဲက ဆရာတော်ကြီးရဲ့ အသံတော်ကို နာယူရင်း ကြည်ညိုစိတ်ဖြင့် လိုက်ပါရွတ်ဆိုပါ။ 🌟 “အဋ္ဌာနမေတံ ဂါထာတော်၏ တန်ခိုးကြောင့် သင်နှင့် သင်ချစ်ရသူအားလုံးဘေးရန်ကင်းကွာ၍ ချမ်းသာကြပါစေ” --- မေတ္တာဖြင့် 🙏✍️© မယ်ရစ် (မူရင်းရေးသားသူနာမည်နှင့်အတူ မပြောင်းလဲဘဲ မျှဝေခြင်းဖြင့်ကုသိုလ်အတူတူယူကြရအောင်ပါရှင့် 🙏 ✍️©မယ်ရစ် ) #ပါချုပ်ဆရာတော် #အဋ္ဌာနမေတံဂါထာတော် #ဘေးကင်းလုံခြုံရေး #တရားတော်

မယ်ရစ်

Open In TikTok:

Region: MM

Thursday 26 March 2026 15:04:53 GMT