@parenting_with_happiness: ⁨ ⁨ حاسة بوجع بكتفي، وجسمي عم يطلب مساج.. رغبة بسيطة، صح؟ بس شوفي كيف بتتعامل مع هالرغبة كل نسخة من الأمهات: النسخة الأولى: "الأم الضحية" 🥀 بتجيها الرغبة، حاسة بوجع وودها بساعة تفصل فيها وتسترخي.. بس فوراً بيبدأ شريط الكلام الداخلي السام: "مستحيل أقدر.. وين بدي حط الولاد؟" "حياتي وقفت عليهم، ما عاد فيني أعمل شي لحالي." "ما حدا حاسس بتعبي ولا حدا بيساعدني." لا شعورياً، بتبلشي تشوفي أطفالك كأنهم "عقبة" وحاجز واقف بينك وبين أبسط رغباتك. بتكتمي شعور الحرمان جواتها، وبتعيشي دور المظلومة اللي ضحت بكل شي.. وبالأخير؟ هاد الكبت بيتحول لغضب وتوتر بينفجر بوجه نفس الأطفال اللي مفكرة حالك عم تضحي عشانهم! النسخة التانية: "الأم المستمتعة" 💆🏻‍♀️✨ هون القصة كلها بتبدأ بالوعي. حسيت بوجع كتفي، وانتبهت لرغبتي العميقة بالراحة. بدل ما أكبت هالشعور وأتجاهله، وقفت لحظة واعترفت فيه: "أنا محتاجة مساج، وجسمي بيستاهل يرتاح". تقبلت رغبتي، وبعدين شغلت مخي للحل: "كيف بحقق هالشي وبنفس الوقت ولادي معي؟" الحل كان بسيط: بجيب الـ Spa لعندي عالبيت.🧖🏻‍♀️ النتيجة السحرية؟ أطفالي ما كانوا عائق أبداً، بالعكس! انبسطو كتير وهنن حاضرين مع أمهم وهي مسترخية وعم تتدلل. بهالموقف، تعلموا درس عملي وتشرّبوا معنى دلال الأنثى وجمال الراحة والاسترخاء. ما حسوا بوجود أم متوترة أو إنهم عبء عليها بيشكل خطر على راحتها، بل حسوا بالأمان، وإنهم جزء طبيعي من حياتها الحلوة والمريحة. الخلاصة:💫👸🏻 بعرف إنك تعبتي.. وبعرف قديش شعور إنك محبوسة جوا مسؤولياتك بيخنق. أنا مرّيت بهالتجربة وكنت بمكانك، وبعرف تماماً وزن هالكلام الداخلي اللي بيحسسك بالذنب على أبسط رغباتك وكيف بيسرق طاقتك. بس صدقيني، المتعة بالأمومة مو إنك تلغي حالك وتعيشي دور المضحية، المتعة إنك تلاقي طريقة تلبي رغباتك وتدليلي أنوثتك بوجود أطفالك، وتخليهم جزء من هالمتعة. شوفي متعة أحلى عند الطفل من انو يشوف امو مبسوطة؟ رجاءا لا تحرمي اطفالك من هالمتعة.. فإذا جاهزة تتخلي عن دور الأم المضغوطة، وتصيري الأم المستمتعة اللي بتعرف تعيش صح، بإمكانك حجز مكالمة استشارية مجانية من الرابط بالبايو لتقدمي طلب الانضمام للبرنامج.⁩⁩

Rawad Al Jobarani

Open In TikTok:

Region: AE

Friday 27 March 2026 13:10:06 GMT