@fakt_yoxla: ⁉️Siz Azərbaycan keçirilən referendumlar haqda nə düşünürsünüz? 📌 Milli Məclisin deputatı Ziyafət Əsgərov iddia edib ki, keçirilən referendumların əsasında insan hüquqları və azadlıqlarının qorunması durub. “Azərbaycanda keçirilən refendumlara, orda çıxarılan məsələlərə baxsanız, onların tam əksəriyyəti insan hüquqları ilə bağlıdır”, – deyə deputat bildirib. 🔎 “Fakt Yoxla” deputatın iddiasının doğru olub-olmadığını araşdırıb. ✅2002-ci ildəki referendumda səsverməyə çıxarılan daha əhəmiyyətli məsələlər ölkənin siyasi idarəetməsi ilə bağlı idi və onların qəbulu ölkədə demokratik idarəçiliyə vurulan zərbə hesab edilirdi. Bu referendumda ümumilikdə 56 dəyişiklikdən cəmi 6-sı birbaşa insan haqqları ilə bağlı idi və onun vəziyyətini yaxşılaşdıran dəyişiklik hesab edilə bilərdi. ✅2009-cu ildəki referendumda qəbul edilən 41 əlavə və dəyişikliklərdən 14-ü sırf insan haqları ilə bağlı olsa da, bu səsvermədə də siyasi baxımdan ən əhəmiyyətli məsələ prezidentin 2 dəfədən artıq seçilməsi qadağasının ləğv edilməsi və prezidentin səlahiyyətlərinin artırılması idi. Venesiya Komissiyasının referendumla bağlı hesabatında dəyişikliklər mənfi yöndə və demokratik cəhətdən geriyə addım kimi qiymətləndirilib. ✅2016-ci ildə keçirilən referendumda da qəbul edilən 54 dəyişiklikdən 16-sı birbaşa insan hüquqları ilə bağlı idi. Ancaq bu referendumun da əsas mövzusu ölkədə demokratik idarəetməni daha da pisləşdirən dəyişikliklər oldu. Bu dəfə prezidentlik müddəti 5 ildən 7 ilə qaldırıldı, prezidentlik üçün lazım olan yaş həddi (35 yaş) ləğv edildi, həmçinin prezidentin səlahiyyətləri Milli Məclisi buraxmaq da daxil olmaqla genişləndirildi. Əlavə olaraq vitse prezidentlik vəzifəsi yaradıldı ki, ora da prezidentin həyat yoldaşı Mehriban Əliyeva təyin edildi. 🖇️Daha ətraflı oxumaq üçün: https://faktyoxla.info/siyaset/deputatin-yanlis-iddiasi-olkede-kecirilen-butun-referendumlarin-esasinda-insan-huquqlari-ve-azadliqlarinin-qorunmasi-durub

Fakt Yoxla

Open In TikTok:

Region: GE

Friday 27 March 2026 16:33:48 GMT