@smailbalhs: عيالات جهة الرباط سلا القنيطرة.. هاهو الملف الكامل باش تستافدو من تمويل مشاريعكم! بناءً على دفتر التحملات الرسمي الخاص ببرنامج التمكين الاقتصادي، هاهي الشروط والتفاصيل اللي خاصك تعرفي باش يكون ملفك مقبول: شحال غتستافدي من تمويل؟ • بالنسبة للمقاولات الذاتية والنسائية: البرنامج كيمول 90% من كلفة المشروع، بحد أقصى ديال 20,000 درهم. (المقاولة كتساهم بـ 10%). • بالنسبة للتعاونيات واتحاداتها: البرنامج كيمول 80% من الكلفة، بحد أقصى ديال 100,000 درهم. (التعاونية كتساهم بـ 20%). • ملاحظة: مساهمتك تقدر تكون فلوس أو "مساهمة عينية" (تجهيزات عندك مثلاً). ✅ شنو اللي كيمول البرنامج؟ (المكونات المقبولة) • اقتناء المواد والتجهيزات الضرورية للمشروع. • تطوير آليات التسويق (بحال وسائل التسويق الحديثة). ❌ ردي البال.. هاد المصاريف غير مقبولة: • البناء والتهيئة. • شراء الطوموبيلات أو وسائل النقل. • مصاريف التسيير (كراء، ما وضو، خلاص الخدامة). • التنقل والتغذية. 📝 شنو خاص يكون فملف الترشيح؟ (الملف التقني) 1. طلب تمويل موجه للمنسق الجهوي لوكالة التنمية الاجتماعية (ADS). 2. البطاقة التقنية للمشروع معمرة مزيان (كاين النموذج فآخر دفتر التحملات). 3. تقدير مالي (Devis) كيبين ثمن التجهيزات اللي بغيتي تشري. 4. دفتر التحملات مطبوع ومسيني ومكاشي في كاع الصفحات. الى ماعرفتيش تصايبي الملف المكتب ديالنا ممكن اتكلف هذه خدمة مدفوعة تواصلي معنا عبر الواستاب +212660357455 هذا رابط الملف : https://drive.google.com/file/d/1FrcDutDoUhuF2mlpn_dYqb2Wtly2KsoT/view?usp=drivesdk 📍 فين وكيفاش تحطي الملف؟ • العنوان بالرباط: عمارة 44، شقة 8، شارع فرنسا، أكدال. • العنوان بالقنيطرة: فيلا رقم 4، حي القدس، بئر الرامي الشرقية. • تقدري تصيفطيه حتى بالبريد المضمون. أشمن مجالات مقبولة؟ سواء كنتِ خدامة في: (الفلاحة، الصناعة التقليدية، الخدمات، الصيد البحري، السياحة التضامنية، أو التجارة).. هاد الدعم كيهمك! ⚠️ آخر أجل: يوم الجمعة 24 أبريل 2026 مع الساعة 16:30. 💡 نصيحة: قبل ما تحطي الملف، تأكدي أن مشروعك داخل فالنطاق الترابي للجهة (الرباط، سلا، القنيطرة، الخميسات، سيدي قاسم، سيدي سليمان، الصخيرات-تمارة). #مقاولة_نسائية #تمكين_المرأة #الرباط #سلا #القنيطرة

Smail balhs 🇲🇦 اسماعيل بلحس

Open In TikTok:

Region: MA

Friday 27 March 2026 21:03:39 GMT