@hebaallamrecipes: البديل الاقتصادى لشوكولاته فيريرو روشيه (FERRERO ROCHER) سهله و طعمها تحفه❤️ الطريقه:- كوب سودانى نى غير مملح ١٠٠ جرام بسكوت هاضربهم فى الكبه كويس جداً. هاحطهم فى بوله هازود عليهم ٢ معلقه كبيره كاكاو خام و ٤ معالق كبار نوتيلا و اقلبهم مع بعض كويس جدا بايدى كده هتبقى كتله واحده هناخد مقدار معلقه كبيره و نضغطها كويس و نشكلها كور و نحشيها بالبندق عملت معايا ١٩ قطعه و ممكن اكتر لو اصغر ندخلهم التلاجه. هاجيب ١٥٠ جرام شوكولاته بالحليب و زودت عليها ٢ معلقه كبيره زيت و ادخلها الميكروويف ٣٠ ثانيه و اقلبها و ادخلها ٣٠ ثانيه تانى لحد ما تسيح خالص و ممكن نسيحها على حمام مائى هازود عليها تلت كوب من السودانى المجروش (ربع كوب و ٢ معلقه كبيره ) و اقلبهم و اجيب الكور من التلاجه و اغطيها كلها بالشوكولاته و انزل اى شوكولاته زياده على قد ما اقدر و احطها على صينيه عليها كيس بلاستيك او ورق زبده ادخلها التلاجه تجمد او الفريزير ١٠ دقايق و بس كده و الله خطيره طعمها احلى بكتير من فيريرو روشيه وهميه و اقتصاديه و اكيد صحيه اكتر من الجاهزه جربوها هتدعولى و هاستنى رايكم❤️
