@den.v3r: سەیرە! مرۆڤەکان بەوپەڕی بێباکییەوە بە ناوی «گاڵتە» خەنجەر لە کەرامەتت دەدەن، بریندارت دەکەن و دەیانەوێت بە پێکەنینێکی درۆینەوە پێشوازی لە سوکایەتییەکانیان بکەیت. بەڵام هەر کە دەستت برد بۆ برینەکەت و هاوارت کرد، هەر کە سنوورێکت بۆ بێڕەوشتییەکانیان دانا، یەکسەر دەبنە فریشتەیەکی مەزڵووم و پێت دەڵێن: «بۆ ئەوەندە توندی؟ ئەوە تەنها گاڵتەیەک بوو!» نا، ئەوە گاڵتە نییە. ئەوە تاقیکردنەوەی ئاستی بەرگەگرتنی مرۆڤەکانە بۆ سوکایەتی. هەمان ئەو کەسانەی بە ناوی قسەی خۆشەوە ناخت وێران دەکەن، خۆیان بۆ یەک وشەی هاوشێوە ئامادەن دونیا وێران بکەن. ئەوان تەنها لەو کاتەدا باسی «ئەدەب» و «ئارامی» دەکەن کە بەرگەی ئەو ئازارە ناگرن کە خۆیان دەستیان پێکردووە. پێویستە فێربین پێش ئەوەی تانە لە کاردانەوەی کەسێک بدەین، سەیری ئەو شوێنەوارە بکەین کە قسە و ڕەفتارەکانمان لەسەر دەروونی جێیان هێشتووە. هیچ کەسێک بێ هۆکار هاوار ناکات، هیچ ئارامییەکیش بێ هۆکار ناشێوێت. ئەوەی تۆ بە «بێڕێزی» یان «توندوتیژی» ناوی دەبەیت، تەنها وەڵامێکی ڕاستگۆیانەیە بۆ ئەو کارە قێزەونانەی کە تۆ بە ناوی گاڵتەوە ئەنجامت داون. مرۆڤ تا سنووری تەقینەوە تاقی مەکەرەوە، چونکە ئەو کاتەی هاوار دەکات، تۆ تەنها دەنگی هاوارەکەی دەبیستیت، نەک ئەو خەنجەرەی کە بە قسەکانت لە دەروونیت چەقاندووە. دێنڤێر … ئیبراهیم بێ شێخ #foryou #fyp #tiktok

دێنڤێر

Open In TikTok:

Region: IQ

Sunday 29 March 2026 19:33:39 GMT